Ji ber ku ger em, dema neyar bûn, bi navgîniya mirina Lawê wî, bi Xwedê re li hev hatibin, hîn jî biryar e ku bi li hev hatinê, em ê bi jiyana wî xelas bibin!
Bo vê yekê, çawa ku guneh bi navgîniya mirovekî û mirin jî bi navgîniya gunehê ve ketibe dinê; bi vî awayî mirin jî derbasî hemû mirovan bû; ji ber ku hemûyan guneh kirin;
Lê belê sûc çawa be, xelat jî wusa nîne; ji ber ku, ger bi sûcê yekî, gellek miribin, bo gellekan bi xêra Xwedê û zilamekî yanê bi xêra Îsa Mesîh bexşandin hîn jî zêde bû.
Ji ber ku, ger mirin bona sûcê yekî, bi navgîniya mirovekî serweriyê ajotibe, yên ku zêdeyiya kerem û bexşa safîbûnê girtine, bi yekî, yanê, bi navgîniya Îsa Mesîh ve di jiyanê de dê bi zêdeyî serweriyê bajon! –
Ji ber, çawa ku bi sedema bêîtaetî kirina mirovekî gellek kes gunehkar hate kirin, bi vî awayî bi îtaet kirina mirovekî jî gellek kes dê bêne salih kirin.
da ku, wekî guneh serweriya xwe bi mirinê ve dajo, kerem jî bila bi navgîniya Xudanê me Îsa Mesîh ve, bona dayîna jiyana bêdawî, bi pakbûnê serweriyê bajo.