|
| 1 |
|
| Kiristoosi Yesuusinni noorira xaate qorichu yoo diyinanninsa. |
|
| 2 |
|
| Kiristoosi Yesuusinni afi'nanni heeshsho aanno Ayyaani Seeri, cubbunna reyote seerinni keere fushshinoe. |
|
| 3 |
|
| Mannu maali wolqa hoogino daafira, Seeru assara dandiinokki coye Maganu assino. Maganu Beettosi cubbaataamu manni lawishshinni cubboho kakkalo asse soyino. Kunni garinni Maganu cubbu aana yoo yee qorichishino. |
|
| 4 |
|
| Konne assinohu maalu hedo garinni ikkikkinni, Ayyaanu hedo garinni hee'neemmori ninke, Seeru hajajo wonshineemmo gedeeti. |
|
| 5 |
|
| Maalu garinni heedhannori, maalu halchonni amadantanno. Ayyaanu garinni heedhannori kayinni, Ayyaanu halchonni amadantanno. |
|
| 6 |
|
| Maalu hedonni amadama reyo abbitanno; Ayyaanu hedonni amadama kayinni heeshshonna keere uyitanno. |
|
| 7 |
|
| Maalu coyinni amadamino manchi Maganu ledo gibbote; Maganu Seerirano dihajajamanno; hajajameno diafanno. |
|
| 8 |
|
| Maalu coyinni amadantinori, Magano hagiirsiisse diaffanno. |
|
| 9 |
|
| Maganu Ayyaani giddo'ne hee'rannoha ikkiro, Ayyaanu hedo ikkinnina maalu hedo diamaddanno'ne. Kiristoosi Ayyaani noosikkihu, Kiristoosi fiixa di"ikkino. |
|
| 10 |
|
| Kiristoosi ki'ne giddo hee'riro, maali'ne cubbunni kainohunni reyannoha ikkiro nafa, keeraa'mitinoonni daafira Ayyaanu heeshsho aanno'ne. |
|
| 11 |
|
| Yesuusa reyotenni kayisinohu Maganu Ayyaani giddo'ne hee'riro, Kiristoosa reyotenni kayisi Magani giddo'ne noohu Ayyaanisi widoonni hige reyanno maali'nera heeshsho aanno. |
|
| 12 |
|
| Kunnira roduuwa'ya, ninkera asalu noonke. Asalinke kayinni maalu hedo garinni hee'nammora di"ikkino. |
|
| 13 |
|
| Maalu hedo garinni heedhiniro reyitinanni. Ayyaanu wolqanni maalu looso shitiniro kayinni lubbotenni heedhinanni. |
|
| 14 |
|
| Maganu Ayyaani hoode hadhannori, Maganu oosooti. |
|
| 15 |
|
| Kunnira, «Anna Annaanna» yitine woshshidhinanniha oosichimmate Ayyaana adhitinoonni ikkinnina, galagaltine waajjatenni heedhinanni gede borojjimmate ayyaana diadhitinoonni. |
|
| 16 |
|
| Maganu Ayyaani ninke ayyaani ledo Maganu ooso ikkanke farci'ranno. |
|
| 17 |
|
| Maganu ooso ikkinummoro, Maganu ragi'raasineeti; Kiristoosi ledo ragi'neemmoreeti. Kiristoosi qarra beeqqinummoro, gedensaanni ayirrinyesi beeqqineemmo. |
|
| 18 |
|
| Xaa qarri, albillittete daankera noo ayirrinyi ledo taashshiniro, mite nafa yinannikkiha ikkinota egennoommo. |
|
| 19 |
|
| Kalaqamu baalu, Maganu ooso la"ate quqquxame agadhe no. |
|
| 20 |
|
| Kalaqamu haafu coyira sae aamamino; hakkuno umisi halchonni ikkikkinni, hexxotenni agadhanno gede Maganu yiino garinniiti. |
|
| 21 |
|
| Hexxono kalaqamu baote borojjimmanni gate, Maganu oosota ayirrinyu wolapho gutamanno gedeeti. |
|
| 22 |
|
| Kalaqamu baalu mitteenni techo geeshsha gametenni amadame uranni noota anfoommo. |
|
| 23 |
|
| Uranni noohu kalaqama calla di"ikkino; umi afansha ikkinoha Qullaawa Ayyaana adhinoommori ninkeno, mannimmate wolapho afi'neemmota oosichimmanke quqquxamatenni agadhinanni, giddoyidi mannimmankenni urranni hee'noommo. |
|
| 24 |
|
| Gantoommohu hexxotenniiti; hexxinanni coyi illetenni leellannoha ikkiro hexxo di"ikkanno. Illete leellannore ayino dihexxanno. |
|
| 25 |
|
| Illete leellannokkire hexxinummoro kayinni, cincine agadhineemmo. |
|
| 26 |
|
| Huucci'nanni gara egenninoommokki daafira, wolqa hoogankera Qullaawu Ayyaani kaa'lannonke. Qullaawu Ayyaanino, kulle dandiineemmokki hinciiccamanni ninke afoo ikke huuccannonke. |
|
| 27 |
|
| Mannu wodana egennino Magani, Qullaawu Ayyaani hedo maatiro afino. Hatto ikkannohu, Qullaawu Ayyaani qullaawu mannira Maganu hedo garinni huuccanno daafiraati. |
|
| 28 |
|
| Magano baxxannorira, hedosi garinni woshshantinorira Maganu coye baala danchummate assannota anfoommo. |
|
| 29 |
|
| Beettisi lowo roduuwi mereero umiha ikkanno gede Maganu balaxe egenninore alba asse doore, Beettisi dana afidhanno gede hirqino. |
|
| 30 |
|
| Balaxe doorinore woshshinsa; woshshinonsareno keereensinsa; keereensinonsareno ayirrisinsa. |
|
| 31 |
|
| Xa kunni coyira ma yineemmo? Maganu ninke ledo hee'riro, qeelankera dandaannohu ayeti? |
|
| 32 |
|
| Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke? |
|
| 33 |
|
| Maganu doorinore, «Sao assitinoonni» yaannonsahu ayeti? Keereensannonsahu Maganoho. |
|
| 34 |
|
| «Ki'nera qorichu malino» yaannohu ayeti? Reyinohu Kiristoosi Yesuusi, saeno reyotenni kainohu, Maganu qiniiteenni ofolle noohu ninke daafira huuccanno. |
|
| 35 |
|
| Maahoyyena, Kiristoosi baxilliwiinni badankera dandaannohu ayeti? Qarru, shetto, dartu, hude, kallimma, waajjillunso bagadu badannonke? |
|
| 36 |
|
| Kuni ikkannohu, «Ate daafira wo'ma woyite shinoonninke; gorrinanni ge'reewi gedeno ikkinoommo» yine borreessinoonni gedeeti. |
|
| 37 |
|
| Kunni baalunku coyinni kayinni baxinonkehu Kiristoosinni qeeltinore roorreemmo. |
|
| 38 |
|
| Kunnira, reyono ikkito heeshsho, sokkaasineno ikkito gashshaano, xa noohano ikko gedensaanni daannohu, aye wolqano ikkito, |
|
| 39 |
|
| iimiidino ikko woriidi, wole kalaqamano ikkiro, Mootichinke Kiristoosi Yesuusi widoonni afi'noommohu Maganu baxilliwiinni badankera dandaannori nookkita afoommo. |
|
|
|
|