हे म्यारा विश्वासी भाईयो, मैं चाछूँ कि तुम याद राखा, बिरान जागा में हमार पूर्वजून का दगाड़ भौत पैलि कि भ्योछ। परमेश्वरेले उन सबून की अगुवाई एक बादल भेजभेरन करछ्य, जो उनार अघिल-अघिल हिटून मरेछ्यू, और उले उन सबून सुखी जमीन मैं लाल सागरा का पानिक बीच भटे सुरक्षित पुजाछ।
उन सबून ले उई पानि पीछ जो परमेश्वर ले उनून दीछ। उनूनले एक चट्टान भटे निकलून वाला पानि स पीछ, और उ चट्टान की तुलना मसीह खिन करि जा सकछी जैले उनार दगाड़ रैभेरन उनून जीवन दीछ।
और नै तुम मूर्ति पूजा करा; जसो कि उनूनमें भटे कतुक करछ्या, जसो पवित्रशास्त्र में लिखीना को छै, “लोग खान-पिन खिन दावत में बैठग्या और आनन्द मनून खिन उठ ग्या।”
येक कारण अगर वाँ कोई इसो आदिमी छै जो कुंछो कि परमेश्वर में उको भरोसा मजबूत छै, त ऊस सतर्क रूनो चैछो कि इसो नै हो कि उ अचानक विश्वास भटे भटक जौ और उ पाप करौ।
पाप करूना की इच्छा हम सबून का पास जरूर ऊँछी, मगर परमेश्वर सच्चो छै। उ तुमून कोई इसी परीक्षा में नी पड़ून द्योलो, जो तुमेरि ताकत है भ्यार हो लेकिन उ परीक्षा का दगाड़ उपाय ले करोलो कि तुम विश्वास में मजबूत रै सका।
जब हम प्रभु भोज में इस्तमाल करि जानवाला कटोर में भटे अंगूरो का रस पीनू, जै खिन हम परमेश्वरो को धन्यबाद दीनू, त हम सच्ची में मसीह का खून स साझा करून मर्यान। और जब हम रोटा स तोड़नू और येस खानू, त हम सच्ची में मसीह का शरीरै स साझा करूनमर्यान।
जरा इस्राएल का लोगून का बारिमें सोचा, जब सबै लोग परमेश्वरा का चढ़ाई जानवाला खाना स खानान त परमेश्वरै की पूजा में भाग लीनू। इसीकैं जो लोग मूर्तिन को चढ़ाई जानवाला खाना स खानान उले उन मूर्तिन की पूजा में भाग लीनान।
नै! बिल्कुल नै। बश यो, कि जो चीज स लोग मूर्तिन का अघिल बलिदान करनान, उ परमेश्वर खिन नै, लेकिन शैतान खिन बलिदान करनान और मैं नै चानू, कि तुम शैतान का भागीदार बना।
तुमून में भटे थ्वाड़ा कुंनान, कि हम कैले करून खिन आजाद छा। होई, लेकिन हमून खिन सब कुछ ठीक नाहातिन। हम कैले करून खिन आजाद नाहातिना, लेकिन सब कुछ परमेश्वर में हमार विश्वास स मजबूत नै करनो।
जो लोग विश्वासी नाहातिन, अगर उन तुमून दावत में बुलून और तुम जाना चाछा, त जो कैले तुमार सामुनि राखि जौ उई खाया। हालाकि यो जन पुछा कि यह मूर्तिन को चढ़ाईना को छै या नाहातिन, और इसो करना ले तुमोरो जमीर परेशान नी होलो।
लेकिन अगर कोई अपून आप थैं यो कुंछो, “यो उ खानखिन छै, जैस एक मूर्ति में चढ़ाईना को छ्यो,” येस जन खा, उ आदिमी खिन जेले तुमून बताछ, और यो ले क्याखिनकि कोई यो सोच सकछो कि इसो खाखिन खानो गलत छै।
मैं सबून खुश करना की कोशिश करछूँ, मैं अपून भलाई का बारिमें नै सोचून मरयूँ, बल्कि सबून की भलाई का बारिमें सोचून मरयूँ, ताकि उन उद्धार पा सकूँन। उसीकैं तुम ले रौ कि यहूदीन या गैर-यहूदीन या परमेश्वरै की विश्वासीन की मण्डली खिन कैले परेशानी या कैले ठोकर पैद नै करा।