×

أَتَّوْرَتْ دَ أَنَّبَاوَا 2020

1 Korintiyawa 11

1
كُبِے مِصَالِنَ كَمَرْ يَدَّ نَكٜىٰبِنْ مِصَالِنْ أَلْمَسِيحُ ؞
2
إِنَ يَبُوانْكُ نٜىٰ سَبُواْدَ كُنَتُنَاوَا دَنِے ثِكِنْ كُواْمٜىٰ، كُنَ كُمَ رِڧٜىٰ أَلْعَادُنْ كُواْيَرْوَرْ نَنْ سُواْسَيْ دَيْدَيْ يَدَّ نَبَاكُ؞
3
عَمَّا إِنَ سُواْ كُغَانٜىٰ ثٜىٰوَ أَلْمَسِيحُ نٜىٰ شُوغَبَنْ كُواْوَنٜىٰ مُتُمْ، مِجِ كُمَ شِينٜىٰ شُوغَبَنْ مَاتَرْسَ، اللَّهْ نٜىٰ كُمَ شُوغَبَنْ أَلْمَسِيحُ ؞
4
دُكْ نَمِجِنْ دَ يَيِ أَدُّعَ كُواْ أَنَّبْثِ دَ كَنْسَ أَ رُڢٜىٰ يَيِ بَنْظَ دَ شُوغَبَنْسَ؞
5
عَمَّا دُكْ مَثٜىٰنْ دَ تَيِ أَدُّعَ كُواْ أَنَّبْثِ دَ بَتَطَوْرَ طَنْݣُولِ عَكَنْتَبَ، تَيِ بَنْظَ دَ شُوغَبَنْتَ كٜىٰنَنْ، كُمَ دَيْدَيْنٜىٰ دَا عَثٜىٰ تَأَسْكٜىٰ كَنْتَ؞
6
عِدَنْ مَثٜىٰ تَڧِے طَوْرَ طَنْݣُولِ، تُواْ، سَيْ تَأَسْكٜىٰ كَنْتَ، عَمَّا دَيَكٜىٰ أَبِنْ كُنْيَا نٜىٰ مَثٜىٰ تَأَسْكٜىٰ كَنْتَ، تُواْ، سَيْ تَطَوْرَ طَنْݣُولِ؞
7
نَمِجِ كَمْ بَيْ كَمَاتَ يَرُڢٜىٰ كَنْسَبَ، دُوانْ يَنَ نُونَ كَمَنِّ دَ طَوْكَكَرْ اللَّهْ نٜىٰ؞ عَمَّا مَثٜىٰ تَنَ نُونَ طَوْكَكَرْ نَمِجِ نٜىٰ؞
8
أَيْ دَ ڢَرْكُواْ نَمِجِ بَيْ ڢِتُواْ دَغَ جِكِنْ مَثٜىٰ بَ، عَمَّا مَثٜىٰ دَغَ جِكِنْ نَمِجِ تَڢِتُواْ؞
9
بَعَكُمَيِ نَمِجِ دُوانْ مَثٜىٰ بَ، سَيْدَيْ مَثٜىٰ دُوانْ نَمِجِ؞
10
سَبُواْدَ حَكَ دُواْلٜىٰ مَثٜىٰ تَطَوْرَ طَنْݣُولِ، وَتُواْ عَلَمَرْ إِيكُواْ كٜىٰنَنْ، سَبُواْدَ مَلاَىِٕكُ؞
11
دُكْدَهَكَ، عَثِكِنْ عُبَنْ‌غِجِ ، مَثٜىٰ بَعَرَبٜىٰ تَكٜىٰدَ نَمِجِ بَ، نَمِجِ كُمَ بَعَرَبٜىٰ يَكٜىٰدَ مَثٜىٰبَ؞
12
وَتُواْ، كَمَرْ يَدَّ مَثٜىٰ تَكٜىٰ دَغَ نَمِجِ، حَكَمَا مَثٜىٰثٜىٰ تَحَيْڢِ نَمِجِ، عَمَّا كُواْمٜىٰ دَغَ وُرِنْ اللَّهْ يَكٜىٰ؞
13
كُدُوبَ كُغَنِ دَ كَنْكُ، يَيِݣَوْ مَثٜىٰ تَيِ أَدُّعَ غَ اللَّهْ دَ كَنْتَ عَبُوطٜىٰ؟
14
أَيْ، حَلِنْ رَايُوَا مَا يَكُواْيَ مُكُ ثٜىٰوَ عِدَنْ نَمِجِ يَبَرْ غَاشِنْسَ بَيْ أَسْكٜىٰ بَ، أَبِنْ كُنْيَا نٜىٰ؞
15
عِدَنْ كُوَ مَثٜىٰ تَنَدَ دُواْغُوانْ غَاشِ دَرَجَ ثٜىٰ أَغَرٜىٰتَ، غَمَا أَنْيِ مَتَ غَاشِ دُواْمِنْ رُڢٜىٰ كَنْتَ نٜىٰ؞
16
عِدَنْ كُوَ وَنِ يَنَ سُواْ يَيِ غَرْدَمَ عَكَنْ وَنَّنْ، مُو دَيْ بَمُسَنْ وَتَ أَلْعَادَا بَ، حَكَكُمَ دُكَنْ سَوْرَنْ جَمَعَرْ مَاسُبِے؞
17
غَمٜىٰ دَ عُمَرْنِنَّنْ كُوَ، بَنْيَبٜىٰكُبَ سَبُواْدَ تَارُوَرْكُ بَتَكِرْكِ بَثٜىٰ، تَرَشِنْ كِرْكِ ثٜىٰ؞
18
تُواْ دَڢَرْكُواْ دَيْ سَعَدَّ كُكَ تَارُ، تَارُوَ إِرِنْ تَجَمَعَرْ مَاسُبِے، نَجِ ثٜىٰوَ أَݣَويْ رَبٜىٰ رَبٜىٰ عَثِكِنْكُ، حَرْ نَطَنْ يَرْدَ دَ ذَنْثٜىٰنْ؞
19
لَلَّيْ نٜىٰ أَ سَامِ رَبُوَ عَثِكِنْكُ دُواْمِنْ أَ عِيَ غَانٜىٰ وَطَنْدَ سُكٜىٰ مَاسُ أَمِنْثِ عَثِكِنْكُ؞
20
أَشٜىٰ كُوَ، إِنْ كُكَ تَارُ بَ دُوانْ كُثِ جِيبِنْ عُبَنْ‌غِجِ بَنٜىٰ؞
21
دُواْمِنْ أَوَجٜىٰنْ ثِنْ عَبِنْثِ، كُواْوَ يَكَنْ مَيْدَ حَنْكَلِ يَيِ تَثِنْ عَبِنْثِنْسَ، حَرْ عَبَرْ وَنِ يَنَ جِنْ يُنْوَ، وَنِ كُوَ يَشَا حَرْ يَبُغُ؞
22
بَاكُ دَ غِدَاجٜىٰنْ دَ ذَاكُ ذَوْنَ كُثِ كُشَا عَثِكِ نٜىٰ؟ كُواْ كُوَ كُنْ رٜىٰنَ جَمَعَرْ مَاسُبِنْ اللَّهْ نٜىٰ، كُنَ كُمَ وُلَڧَنْتَ وَطَنْدَ بَاسُ دَكُواْمٜىٰ؟ تُواْ، مٜىٰ ذَنْثٜىٰ مُكُ، إِنْيَبٜىٰكُ سَبُواْدَ وَنَّنْ نٜىٰ؟ سَمْ! بَذَنْ يَبٜىٰكُبَ؞
23
أَبِنَّنْ كُوَ دَ نَبَاكُ، نَكَرْٻَ نٜىٰ دَغَ وُرِنْ عُبَنْ‌غِجِ ، ثٜىٰوَ عُبَنْ‌غِجِ عِيسَىٰ ، أَدَرٜىٰنْ دَ عَكَ بَاشٜىٰشِ، يَطَوْكِ غُرَاسَ،
24
بَايَنْدَ يَيِ غُواْدِيَ غَ اللَّهْ ، سَيْ يَكَكَّرْيَ، يَثٜىٰ «وَنَّنْ جِكِينَ نٜىٰ، وَنْدَ عَكَبَايَرْ سَبُواْدَكُو؞ كُدِنْ‌غَ يِنْ حَكَ دُوانْ تُنَاوَا دَنِے؞»
25
حَكَكُمَ بَايَنْ جِيبِنْ، سَيْ يَطَوْكِ ݣُوڢْ يَثٜىٰ «ݣُوڢْ نَنْ نَسَابُوَرْ يَرْجٜىٰجٜىٰنِيَ ثٜىٰ، تَبَّتَاثِّيَ ثٜىٰ دَ جِنِنَ؞ كُيِ حَكَ دُكْ لُواْكَثِنْ دَ كُكٜىٰ شَا، دُوانْ تُنَاوَا دَنِے؞»
26
وَتُواْ، دُكْ لُواْكَثِنْ دَ كُكٜىٰ ثِنْ غُرَاسَرْنَنْ، كُكٜىٰ كُمَ شَا عَݣُوڢْ طِنَّنْ، كُنَ شٜىٰلَرْ مُتُوَرْ عُبَنْ‌غِجِ كٜىٰنَنْ، حَرْ يَدَاوُاْ؞
27
سَبُواْدَ حَكَ دُكْ وَنْدَ يَثِ غُرَاسَرْنَنْ، كُواْ يَشَا عَݣُوڢْ نَنْ نَ عُبَنْ‌غِجِ دَ رَشِنْ ثَنْثَنْتَ، يَيِ وَجِكِے دَ جِنِنْ عُبَنْ‌غِجِ ذُنُوبِ كٜىٰنَنْ؞
28
سَيْ دَيْ كُواْوَ يَبِنْثِكٜىٰ كَنْسَ، سَعَنً يَثِ غُرَاسَرْ يَكُمَ شَا عَݣُوڢْ؞
29
دُكْ وَنْدَ يَثِ غُرَاسَرْ، يَشَا ݣُوڢْ بَاتَرٜىٰدَ يَغِرْمَمَ جِكِنْ عُبَنْ‌غِجِ بَ، يَجَٰوُاْ وَكَنْسَ حُكُنْثِ كٜىٰنَنْ تَوُرِنْ ثِ دَ شَا دَ يَيِ؞
30
شِيَسَا دَ يَوَنْ عَثِكِنْكُ سُكٜىٰ دَ رَشِنْ ڧَرْڢِے دَ رَشِنْ لَاڢِيَ، وَطَنْسُ مَا سُنْيِ بَرْثِ وَتُواْ، سُنْ مُتُ؞
31
عَمَّا عِدَنْ مُكَ بِنْثِكَ كَنْمُ تُكُنَ، بَذَاعَ حُكُنْتَمُبَ؞
32
عِدَنْ كُوَ عُبَنْ‌غِجِ نٜىٰ يَكٜىٰيِ مَنَ شَرِيعَ، مُنَ سَامُنْ حُواْرُواْ كٜىٰنَنْ دُواْمِنْ كَدَ عَيَنْكٜىٰ مَنَ حُكُنْثِ تَرٜىٰدَ دُونِيَا؞
33
سَبُواْدَ حَكَ، یَنْعُوَنَ، عِدَنْ كُكَ تَارُ دُوانْ ثِنْ عَبِنْثِ، سَيْ كُجِرَا جُونَ؞
34
عِدَنْ كُوَ وَنِ يَنَ جِنْ يُنْوَ، سَيْ يَثِ عَبِنْثِ أَغِدَا، كَدَ يَذَمَ ثٜىٰوَ تَارُوانْكُ يَجَٰوُاْ مُكُ حُكُنْثِ؞ غَمٜىٰ دَ سَوْرَنْ أَبُبُوَ كُمَ، عِدَنْ نَا ذُواْ ذَنْبَادَ عُمَرْنِ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula