Goleke akana mangav te llanen kai niko kai del orba katar o Duo e Devleko nasti phenel: ¡proketo te avel o Jesus!, ta niko nasti phenel: ¡o Jesus si o Gazda!, te na avela katar o Santo Duo.
Nesave len e zor te cheren bare ezgode Devlikane, aver te phenen so si te avelpe, ta averen del len o Duo te llanen save si e duura kojamne ta o Duo chachuno, ta averen del len te den orba ande chibia, ta i averen te sikaven so phende ande chibia kai die orba ogola llene.
Soke katar iek Duo sama saurre kristime ande iek esnaga, i te avena judiura o griegura, o te avena o te na avena esluge, ta saurren dia isto gua Santo Duo.
a e kotora e esnagake kai sikava ni arakha len but, gua si soke o Del cherda gia e esnaga te arakha mai but e kotora e esnagake kai amenge ni mol len but.
O Del mukla ande khanlliri ando purvo than te aven e apostolura, a po duito than e poraukura, a po trito than e kovacha, ta ma palal averen kai cheren bare ezgode Devlikane, ta llene kai sastaren e nasualen, ta nesave kai pomozin, aver te aven birovi, ta i aver kai den orba ande aver chibia.
ta inai saurren e zor te sastaren e nasualen. Ta ni den orba saurre ande chibia, ta ni llanen saurre te sikaven so phenen gola chibia kai den orba ogola llene.