Lamun side percaye sepenoq angen léq napi saq tiang beriteang nike, make Kabar Solah nike nyelametang side pade; kecuali lamun side percaye ndéqne siq pengertian.
Napi saq tiang sampéang tipaq semeton senamian nike, nike sampun tiang terimaq éndah. Saq paling penting, tiang sampéang tipaq side bahwe Almasih ninggal lantaran dose-dosente maraq saq tetulis léq dalem Kitab Suci, tiang sampéang tipaq side bahwe Almasih ninggal lantaran dose-dosente;
Sesampun nike Ie nyatayang diriq éndah sekaligus tipaq lebih léman lime ratus pengiring-Ne. Luwéq léman dengan-dengan nike masih idup jangke mangkin, cume pire dengan saq sampun ninggal.
Lamun saq tiang pade beriteang nike bahwe Almasih sampun teidupang malik léman ninggal, kembéq araq léq antare side saq bebase bahwe dengan ninggal ndéqne gen teidupang malik?
Lebih léman nike, ternyate bahwe tiang pade beduste mengenai Allah, séngaq tiang pade beriteang bahwe Allah sampun ngidupang malik Almasih léman ninggal, padahal Allah nénten ngidupang Ie malik -- lamun seandéne tetu, bahwe dengan ninggal ndéq teidupang malik!
Lamun pengharepante tipaq Almasih cume sewaktu ite masih idup léq dunie niki doang, make ite niki dengan saq paling rugi léman selapuq umat manusie léq dunie niki!
Laguq sopoq-sopoq gen teidupang menurut giliranne: Almasih jari saq penembéq; beterus éraq léq waktu Ie rauh malik, sesampun nike giliran dengan-dengan saq jari dowén Almasih.
Laguq sesampun selapuqne tetaklukang léq Almasih, make Bije saq asalne léman Allah nike, gen taklukang diriq-Ne tipaq Allah saq sampun jariang selapuq-lapuqne takluk léq Allah. Make Allah mésaq gen jari selapuq-lapuqne léq dalem selapuq-lapuqne.
Lamun dengan ninggal ndéq teidupang malik, kembéq araq dengan saq tebaptis umaq dengan ninggal? Napi manfaatne ie pade ngelaksaneang hal nike? Lamun mule dengan ninggal tetu-tetu ndéq gen teidupang malik, kembéq ie pade ngelaksaneang hal nike?
Maraq nike halne éraq dengan-dengan ninggal saq teidupang malik. Awak saq tekubur nike, awak saq iniq séde, laguq awak saq teidupang malik nike awak saq ndéq iniq séde.
Léq waktu awak nike tekuburang, awak nike hine; laguq teidupang malik dalem kemuliean. Léq waktu tekubur, awak nike lemah; laguq teidupang malik léq dalem kekuatan.
Awak saq tekubur, nike awak léman dunie; laguq sesampun idup malik, make awak nike awak saq teicanin siq Roh Allah. Araq awak saq léman dunie, araq éndah awak saq léman Roh Allah.
Hal niki gen selung-selung telaksane sepengkejep mate, sewaktu terompét penutuq tetiup. Séngaq sewaktu kedengahan suare terompét nike, dengan-dengan ninggal gen teidupang malik kadu awak saq kekel, dait ite selapuqne gen terobah.
Lamun awak saq iniq ninggal sampun tegentiq siq awak saq ndéq iniq ninggal, dait awak saq léman dunie sampun tegentiq siq awak saq léman sorge, léq waktu nike baruq telaksane napi saq tetulis léq dalem Kitab Suci, “Kematéan sampun temusnahang; kemenangan sampun dateng!”
Keranaq nike, semeton senamian saq tiang kasihin, side pade harus kuat dait kukuh. Pade terus pacu-pacu begawéan bagi Tuhan. Séngaq side pade nenaoq bahwe selapuq saq side pade laksaneang bagi Tuhan, ndéqne sie-sie.