Akana ka dav tumenge orba katar so si dino, te pomozin e llenen kai si katar o foro e Devleko, cheren le gia sar sikadem e khanlliren kai si ande phuv e Galasiaki.
Suako kurko, suako lleno tumendar morabi te thovel pe iek rig nesave love katar so dobisarda ta te guruvel len, gia ni ka chiden len kana me ka llau te dikhav tumen.
A cheres o phlal o Apolo, me but molisailem leke te llal te dikhel tumen e phlalenchar ta llik akana vou ni kamla, vou ka llal tumende kana sai ka cherel le.
Phlalalen, tumen llanen kai e familia katar o Estefanas saia kai mai anglal ande phuv katar e Akaia lie e lachi viasta, ta von thodepe te radin ta te pomozin e phlalen ando pachape.
E khanllira ande Asia bichalen tumenge salami. O Akila ta o Priska ta e khanlliri kai chidiniaon ande leko cher, bichalel tumenge but salami ando anav e Gazdako.