|
| 1 |
|
| ನಿಕ್ಲೆಡ್ ಹಾದ್ರ ಉಂಡು ಅಂದ್ದ್ ಜನೊಕುಲು ಪಾತೆರೊನ್ವೆರ್ ಒರಿ ತನ ಅಮ್ಮೆರೆನ ಬೊಡೆದಿನೇ ದೀವೊಂದೆಗೆ; ಇಂಚಿತ್ತಿ ಹಾದ್ರ ಪಿದಯಿದ ಜನೊಕುಲೆಡ್ಲಾ ಇಜ್ಜಿ. |
|
| 2 |
|
| ಇಂಚ ಇತ್ತ್ಂಡಲಾ ನಿಕುಲು ದುಃಖೊನು ತೋಜಾವಂದೆ ಇಂಚ ಮಲ್ತಿನಾಯನ್ ನಿಕ್ಲೆ ಉಲಯಿಡ್ದ್ ದೆತ್ತ್ ಪಾಡಂದೆ ಪುಗರೊಂದೇ ಉಲ್ಲರತ್ತಾ? |
|
| 3 |
|
| ಯಾನ್ ಶರೀರದ ರೀತಿಡ್ ನಿಕ್ಲೆಡ್ದ್ ದೂರ ಇತ್ತ್ಂಡಲಾ ಆತ್ಮೊಡು ನಿಕ್ಲೆ ಕೈತಲೇ ಇತ್ತ್ದ್ ಇಂಚಿತ್ತಿ ಕಾರ್ಯ ಮಲ್ತಿನಾಯನ ಬಗೆಟ್ ಕೈತಲ್ ಇತ್ತಿನಾಯಲೆಕ್ಕನೆ ತೀರ್ಪು ಮಲ್ಪುವೆ. |
|
| 4 |
|
| ನಿಕುಲು ನಮ ಕರ್ತವೆ ಆದುಪ್ಪು ಯೇಸು ಪುದರ್ಡ್ ಒಟ್ಟು ಸೇರ್ದ್ ಬನ್ನಗ, ಯಾನ್ ಆತ್ಮೊಡು ನಿಕ್ಲೆಡೊಪ್ಪ ಉಪ್ಪುವೆ. ನಮ ಕರ್ತವೆ ಆದುಪ್ಪು ಯೇಸುನ ಶಕ್ತಿ ನಮೊಟ್ಟುಗು ಉಪ್ಪುನಗ |
|
| 5 |
|
| ಅಂಚಿತ್ತಿನಾಯನ ಪಾಪದ ಸ್ವಭಾವ ನಾಶಾದ್ ಕರ್ತವೆ ಆದುಪ್ಪು ಯೇಸುನ ದಿನೊಟು ಆಯನ ಆತ್ಮ ರಕ್ಷಣೆ ಆಪಿಲೆಕ್ಕ ಆಯನ್ ಸೈತಾನನ ವಶೊಕ್ಕು ಕೊರ್ಲೆ. |
|
| 6 |
|
| ನಿಕುಲು ಪುಗರಿಕೆ ಮಲ್ತೊನುನವು ಎಡ್ಡೆ ಅತ್ತ್; ಒಂತೆ ಪುಳಿ ಬಂದ ಮಾತ ಬಂದೊನು ಪುಳಿ ಮಲ್ಪುಂಡು ಪಂಡ್ಂಡ ಒರಿಯನ ಪಾಪೊಡ್ದು ಮಾತೆರೆನ್ ಹಾಳ್ ಮಲ್ಪುಂಡು ಅಂದ್ದ್ ನಿಕ್ಲೆಗ್ ತೆರಿದಿಜಾ? |
|
| 7 |
|
| ಪಾಪ ಮಲ್ಪುನಾಯೆ ಪುಳಿ ಬಂದದಲೆಕ್ಕ ಉಲ್ಲೆ, ಆಯನ್ ದೆತ್ತ್ ಪಾಡ್ಲೆ. ನಿಕುಲು ಪುಳಿದಾಂತಿನಾಕುಲು ಆದುಪ್ಪುನೆಡ್ದ್ ಪರ ಪುಳಿ ದೆತ್ತ್ ಪಾಡ್ದ್ ಪೊಸ ಬಂದದಲೆಕ್ಕ ಆಲೆ. ದಾಯೆಗಂದ್ಂಡ ನಮ ಪಸ್ಕದ ಕುರಿ ಆಯಿ ಕ್ರಿಸ್ತೆ ನಂಕಾದ್ ಬಲಿ ಆಯೆರ್; |
|
| 8 |
|
| ಅಂಚಾಯಿನೆಡ್ದ್ ನಮ ದುಷ್ಟತನ, ಹಾಳ್ತನ ಪನ್ಪಿ ಪುಳಿಹಿಟ್ಟ್ನ್ ಬುಡ್ದು ಬುಡ್ಕ, ಪಂಡ ಪುಳಿನ್ ದೀವೊನಂದೆ ಯಥಾರ್ಥಲಾ ಸತ್ಯಲಾ ಪನ್ಪಿ ಪುಳಿದಾಂತಿ ರೊಟ್ಟಿನೇ ದೆತ್ತೊಂದು ಪರ್ಬ ಆಚಾರಣೆ ಮಲ್ಪುಗ. |
|
| 9 |
|
| ವ್ಯಭಿಚಾರಿಲೆ ಕೂಡಾಟ ಮಲ್ಪಡೆ ಅಂದ್ದ್ ಎನ ಕಾಕಜಿಡ್ ಬರೆದಿತ್ತೆ ಅತ್ತಾ. |
|
| 10 |
|
| ಈ ಲೋಕೊಡುಪ್ಪು ವ್ಯಭಿಚಾರಿಲು, ಲೋಭಿಲು, ಸುಲಿಗೆ ಮಲ್ಪುನಾಕುಲು, ಮೂರ್ತಿಪೂಜೆ ಮಲ್ಪುನಾಕುಲೆನ್ ಬುಡ್ದು ದೂರ ಪೋವೊಡಂದ್ದ್ ಅತ್ತ್. ಅಂಚ ಮಲ್ಪೊಡಾಂಡ ನಿಕುಲು ಈ ಲೋಕೊನೇ ಬುಡ್ದು ಪೋವೊಡಾವು. |
|
| 11 |
|
| ಆಂಡ ಕ್ರೈಸ್ತ ಸಹೋದರೆ ಪಂಡೊಂದು ಒರಿ ಹಾದ್ರದಾಯೆನಾ ಲೋಭಿಯಾ ಮೂರ್ತಿಪೂಜೆ ಮಲ್ಪುನಾಯೆನಾ ಅಮಲ್ದಾಯೆನಾ ಸುಲಿಯುನಾಯೆನಾ ಆದುಲ್ಲೆಡ, ಅಂಚಿತ್ತಿನಾಯಡೊಪ್ಪ ಕೂಡೊನಿಯೆರೆಲಾ ಉನಿಯೆರೆಲಾ ಬಲ್ಲಿ ಪಂಡ್ದ್ ಬರೆದಿತ್ತೆ. |
|
| 12 |
|
| ಸಭೆಡ್ದ್ ಪಿದಯಿ ಉಪ್ಪುನಾಕುಲೆ ಬಗೆಟ್ ತೀರ್ಪು ಮಲ್ಪೆರೆ ಎಂಕ್ ವಾ ಹಕ್ಕ್ ಉಂಡು? ಉಲಯಿ ಉಪ್ಪುನಾಕುಲೆ ಬಗೆಟ್ ತೀರ್ಪು ಮಲ್ಪುನಾಕುಲು ನಿಕುಲತ್ತಾ, |
|
| 13 |
|
| ಪಿದಯಿ ಉಪ್ಪುನಾಕುಲೆಗ್ ತೀರ್ಪು ಮಲ್ಪುನಾಯೆ ದೇವೆರ್. “ಆ ದುಷ್ಟನ್ ನಿಕ್ಲೆ ಮದ್ಯೊಡ್ದು ದೆತ್ತ್ ಪಾಡೊಡು.” |
|
|
|
|