Nupui chuan ama taksa chungah thu a nei lo va, a pasalin a nei zâwk a ni; chutiang bawkin pasal pawhin ama taksa chungah thu a nei lo va, a nupuiin a nei zâwk a ni.
Ṭawngṭai tûra in inpêk theih nân rei lo tê atân rem in tih dun chauh loh chuan, a tua mah intidâwng suh u; chumi hnuah chuan in awm dân pangngaiin awm leh thuai ula, chuti lo zawng insûm zawh loh avângin Setanan a thlêm dah ang che u.
Mi zawng zawng keimah ang hian awm vek se ka duh a; mahse, mi tinin Pathian hnên ata thilpêk bîk kan dawng ṭheuh va, pakhatin kawng khatin, a dangin kawng dangin.
Mi dang hnênah chuan Lalpa thu ni lovin, keimahin sawi tûr ka nei. Ringtuin ring lo mi nupuiah nei sela, a nupui chuan a hnêna awm zêl a duh chuan ṭhen suh se.
Ring lo pa chu a nupui zârah tihthianghlim a ni a, ringlo nu pawh a pasal zârah tihthianghlim a ni bawk. Chuti ni suh se, in fate chu an thianghlim lo vang; nimahsela, an thianghlim a ni.
Amaherawhchu, ring lo zâwkin ṭhen a duh chuan ṭhen mai rawh se; chutiang thilah tawh chuan ringtu chu, a hmei a pain phuar in ni lo ve; Pathian erawh chuan inrem tûrin a ko che u a ni.
Mi tin hi Lalpan an hnêna a sem ang ṭheuh leh, Pathianin a koh laia an awm dân ang ṭheuhvin awm zêl rawh se; chutianga awm tûrin kohhran zawng zawng ka hrilh ṭhîn a ni.
Nula leh tlangvâl chungchâng thu-ah chuan Lalpa thupêk eng mah ka nei lo va; amaherawhchu, a ngilneihna azâra Lalpa ngaiha rinawm ka nih hi chhuangin ka ngaih dân ka sawi a ni.
Nupui i neih pawhin thil i tisual lo ve; nula pawhin pasal a neih chuan thil a tisual lo. Amaherawhchu, nupui pasal neiten harsatna tam tak an tâwk ang, keiin chûng chu pumpelhtîr che u ka duh a ni.
a rilru a phîr ṭhîn. Pasal nei lo hmeichhia leh nula thianghlim chuan an taksa leh an thlarau vawng thianghlim tûrin Lalpa hna chauh an engto va; pasal nei erawh chuan a pasal tihlâwm nân khawvêl thil a engto ṭhîn.
Hei hi in tâna sâwt tûr a nih avângin ka sawi a ni; khuahkhirh ka tum che u a ni lo ve, mawi taka in awm theih nân leh Lalpa rawngbâwl tûra in inpumpêk theihna tûrin ka sawi zâwk a ni.
Mi tu pawhin a nupui hual lakah tidik lova a inhriata, lêngṭûl mai tûr a niha, inneih ṭûla a hriat bawk si chuan, a duh ang chuan ti sela, nei mai rawh se, thil a tisual lo ve.
Amaherawhchu, nupui nei lo tûra nawr luih ni lova, ama duh thu ang ngeia neih loh tum tlat thei a nih chuan, a duh anga a tih chu a ṭha a, a nupui hual a nei lo chu a ti ṭha e.