Ke nye Paulo ŋutɔ mele nu xlɔ̃m mi to Kristo ƒe dɔmefafa kple tufafa me, nye amesi nye ame bɔbɔɖokui le miaƒe ŋku me le mia dome; ke esime nyemele mia gbɔ o la, dzi le ƒonye ɖe mia ŋu.
Ke mele kuku ɖem na mi bena, ne mele mia gbɔ la, nyemaɖe dzi ƒo na ɖokuinye kple ŋuɖoɖoɖeŋu, si mele susum be, matsɔ awɔ kalẽ ɖe amea ɖewo, siwo bua mí abe amesiwo zɔna le ŋutilã nu ene ta ŋuti o.
Ɖe miekpɔa nusiwo le ŋku me la ɖa? Ne amea ɖe ɖoa ŋu ɖe eɖokui ŋu bena, Kristo to yenye la, ekema eyama nagasusu esia hã le eɖokui me bena, alesi ke ye ŋutɔ nye Kristo tɔ la, nenema ke míawo hã míenye eto.
Elabena nenye be, maƒo adegbe via ɖe wu le míaƒe ŋusẽ, si Aƒetɔ la tso na mi, bene míado mi ɖe ŋgɔ, eye menye be, miagblẽ mi o la ŋuti la, ŋu mele kpe ye ge o,
Ke nenem me sia nasusu le esia ŋuti bena, amesi ƒomeviwo míenye le nya me le agbalẽwo me, esi miele mia gbɔ o la, nenem me mawo tɔgbe ke mianye le dɔwɔwɔ me, ne míele mia gbɔ hã.
Mieƒoa adegbe wògbɔa eme le ame bubuwo ƒe dɔwɔƒewo ŋu o; ke mɔkpɔkpɔ le mía si bena, ne miaƒe xɔse le tsitsim la, míatsi azu gã le mia dome le míaƒe dzidzeka la nu,