Mam kota yãmba, tɩ mam sã n wa n be yãmb nengẽ, bɩ y ra maan tɩ yɩ tɩlɛ tɩ mam yɩ nin-toaag wa mam sẽn tagsd n na n yɩ nin-toaag ne neb nins sẽn tagsd tɩ tõnd kẽnda wa sẽn zems yĩngã datmã ye.
Tagsd nins ne bũmb nins fãa sẽn zẽkd b mens n zabdẽ tɩ nebã kõn bãng Wẽnnaamã, tõnd leebd-b lame n lubdẽ, la tõnd tõogda tagsd buud fãa n kɩt tɩ b sak Kirisã.
Yãmb geta bũmb nins yãmb ninã sẽn ne wã! Ned sã n tẽed t'a yaa Kiris rẽnda, bɩ a meng bãng bõn-kãngã me: Yẽnda sã n yaa Kiris rẽndã, tõnd me yaa Kiris rẽnda.
Bɩ ned ning sẽn gomd a woto wã bãng neer tɩ tõnd sẽn ka be yãmb sʋk n gomd to-to d sɛbã pʋsã, tõnd sã n wa n be yãmb sʋk me, tõnd tʋʋmã yaa a woto bala.
Tõnd ka saagd n zeng d mens wall d mak d mens ne neb nins sẽn wilgd tɩ b mens zemsame wã ye. La bãmb sẽn mamsd b mens la b makd b mens ne taabã, b ka yam ye.
Sã n yaa ne tõndo, tõnd ka rat n pẽg d mens tɩ loog ye, la tõnd na n dɩka mamsg ne tʋʋmd ning Wẽnnaam sẽn pʋɩ n kõ tõndo, la b leb n kɩt tɩ d tõog n ta hal yãmb nengẽ wã.
Tõnd ka pẽgd d mens tɩ loog ne tʋʋm sẽn yaa ned a to rẽnd ye. La tõnd tẽedame tɩ yãmb tẽebã sã n paasdẽ, tõnd tʋʋmdã na n lebga kãseng yãmb sʋka, zĩig ning sẽn yaa tõnd dẽndã,