Ine Paulu, munthu wa mafala “akufewa” ndingakhala na imwe nkhope na nkhope, mbwenye ndingakhala kutali ndisalonga mafala “akuuma”, ndisakuphembani na kupicepesa pontho na kukhurudzika kwa Kirixtu!
Imwe musalang'ana pinthu piri pakweca basi. Ngakhala munthu asanyinda kuti ndi wa Kirixtu, asafunika anyerezere pontho ekha ene kuti ifembo ndife a Kirixtu ninga iye.
Thangwi ngakhala ine ndisapikuza pikulu na thangwi ya mphambvu za utongi zidapaswa ine na Mbuya, sinamanyadzo napyo tayu, thangwi mphambvu zenezi ndi toera kukuwangisani, si toera kukufudzani tayu.
Ife nkhabe kupitiriza kwenda kutsogolo na kugaya kwathu tayu, ninga mbidakhonda kufika kuna imwe, thangwi ife tafika kale mpaka kuna imwe na Mphangwa Zadidi za Kirixtu.