Kemaimai ayong Paulo esi, ayong lo ebeyo alilim nabo apatana nakirukitor ka esi nakaneni atodedeng nanyikirukitor ka esi. Kemaimai ayong esi kotere apatanu ka ajokis na Kiristo
Elimuni itwaan iche tama, “Kinomete ngakiro a ngabaruae a Paulo etioko, nakaneni ani kirukit ngoni ka ngesi, epalag ngesi na eraakasi ngakiro keng natenoyek.”
Nakaneni bo dang, nyikisaki sua akimarun kori akikwaanikin ka lu ejapunito. Ebangaaka ngitunga ngulu noi! Abe esiakis kesi eboyor lo itemotor kesi make, nabo irirasi kesi kotere eboyor lo erai ekech a ngikulepek!
Ani cha eliwor sua, nyikiwoga sua noi akidwang eger lo ejoikinit kiwoga, eliwor ekiwog kosi lo itemem ka etich lo kidodik sua Akuj. Epei a ngitichisio kangulu ngesi lo kisubi sua anikus.
Nakaneni nyikiwoga sua kotere etich lo asuba luche akidwang ngigerin lu kidodik sua Akuj. Pearai kigasi sua atamar kisikokin anupit kus sodi atopedoreta sua akisub etich lo etenoono anikus, itemem ngirwa daang ka ngigerio lu kidodik sua Akuj.