Raa ko waɗi mbinndirmi no mbinndirannoomi on. Mi yiɗaa wargo to yimɓe haanɓe velnugo ɓernde am, ndeen kamɓe ɓe mettina ɓernde am. Mi tabbitinii to mi nanii belɗum, on fuu on naney belɗum.
Mo nja'afaniiɗon, miin boo mi ya'afanto mo. To mi ya'afake mo, kul maa e woodi ko haani mi ya'afanoo mo, mi ya'afake mo yeeso *Almasiifu gam daliila mooɗon,
Ammaa yettoore laatanoo Allah kokkeyɗo en jaalorgal dum nder kawtal meeɗen e Almasiifu. Allah huutinirii min gam sankitgo habaru Almasiifu koo toye, kama urdi ndi uureengol muuɗum sankitotoo koo toye fuu.
Minon kam, min luumortaako voliinde Allah, noon no woɓɓe mbaɗata. Ammaa minon emin mbolva yeeso Allah e ɓerɗe laaɓɗe, gam min yimɓe *Almasiifu ɓe Allah lili.