bari a fɔra Ala ka kuma na ko: «Waati bɛnnin na, ne y'i lamɛn. Kisili loon na, ne y'i dɛmɛ.» Ayiwa, o waati bɛnnin ye sisan le ye, kisili loon le ye bii ye.
An y'an yɛrɛ yira a ka baarakɛlaw ye an ka mɔgɔsɔbɛya fɛ, n'an ka lɔnniya, n'an ka muɲuli, n'an ka ɲumanya fɛ, Nii Senuman barika la, ani an ka kanuyasɔbɛ fɛ,
N ye n yɛrɛ yira Ala ka baarakɛla ye n boɲatuma ni n dɔgɔyatuma na. U b'an tɔgɔjugu fɔ, k'an tɔgɔɲuman fana fɔ. U be miiri ko an ye galontigɛlaw ye, k'a sɔrɔ an ye tiɲɛfɔlaw ye.
U b'an dusu cɛn, nga an be nisɔndiya sɔrɔ tuma bɛɛ. U b'an jati fantanw ye, nga an be mɔgɔ caaman kɛ fɛntigiw ye. U be miiri ko foyi t'an fɛ, k'a sɔrɔ fɛɛn bɛɛ b'an fɛ.
Bɛɛn jumɛn le be sɔrɔ Ala ka soo ni joow cɛ? Bari an ye Nitigi Ala ka soo ye i ko Ala yɛrɛ y'a fɔ cogo min na, a ko: «Ne bena sigi u cɛma ka to n'u ye. Ne bena kɛ u ka Ala ye, u bena kɛ ne ka mɔgɔw ye.»