|
| 1 |
|
| Beene Taata, nitwenda ku mumanya emigisha ya Ruhanga, ei yaahaire ebigombe by'abaikiriza ab'omuri Makedoniya. |
|
| 2 |
|
| Ahabw'okuba omu kugyezibwa munonga okw'okubonabonesibwa bakagira okushemererwa kutakareebwaga, kwabareetera okugaba n'obufura, kunu bari abooro munonga. |
|
| 3 |
|
| Ahabw'okuba nk'oku ndikubajurira, bakagaba nk'obwekoro bwabo oku buri, nangwa baakizaho, kandi beekundiire. |
|
| 4 |
|
| Bakatweshengyereza munonga kwikirizibwa kukwatanisa n'abarikuhwera abarikwera |
|
| 5 |
|
| haza tibaakora nk'oku twabaire nituteekateeka, kureka baabanza kweha Mukama, kandi ahabw'okukunda kwa Ruhanga, baatweha. |
|
| 6 |
|
| Naitwe nikwo kushaba Tito ku amariiriza omuriimwe ogwo murimo gw'embabazi, ogu yaabaire yaatandikire. |
|
| 7 |
|
| Na mbwenu nk'oku mutakirwa omuri byona omu kwikiriza, omu kugamba gye, omu kumanya, omu kuta omutima ahari byona, n'omu kutugirira rukundo, mureebe ngu timwakirwa n'omuri ogu murimo gw'embabazi. |
|
| 8 |
|
| Ekyo tindikukigamba nk'orikubaragiira, kureka okuhamya nindeebera aha bweziriki bw'abandi, yaaba rukundo yaanyu eri ey'amazima. |
|
| 9 |
|
| Ahabw'okuba nimumanya embabazi za Mukama waitu Yesu Kristo, ngu nobu araabe yaabaire ari omutungi, kwonka ahabwanyu akahinduka omworo, abone kubatungisisa obworo bwe. |
|
| 10 |
|
| Kandi omuri ekyo nimbahabura nti: kikaabaire kirungi muheza eki mwatandikire omwaka oguhingwire, kutari kukikora kwonka, kureka kukikora mwekundiire. |
|
| 11 |
|
| Mbwenu ekihika kyanyu ky'okwenda kukikora kireeberwe aha kukiheza, nimukora aha bi mutungire. |
|
| 12 |
|
| Manya ekihika ky'okwenda kukikora, ku muraabe mukiine, nikiikirizibwa nk'oku omuntu atungire, kutari nk'oku atatungire. |
|
| 13 |
|
| Tindikugira ngu abandi banguhirwe, imwe muremeererwe. |
|
| 14 |
|
| Kwonka ahabw'obwinganisa, ebyanyu ebi mushaagize omu biro ebi, bibamarire obukyene bwabo; n'ebyabo ebi barishaazya, naimwe bibamarire obukyene bwanyu, habone kubaho obwinganisa. |
|
| 15 |
|
| Nk'oku kyahandiikirwe kiti: Owaashanguriize bingi tarashaagizeho, n'owaarundaine bikye taine ki yaabuzirweho. |
|
| 16 |
|
| Kwonka Ruhanga asiimwe, oha Tito omutima gw'okubeetaho munonga nk'ogu tubainiire. |
|
| 17 |
|
| Ahabw'okuba taraikiriize ki twashabire kyonka, kureka ahabw'okugira omuhimbo gwe ahabwe, naija kwija owaanyu ayekundiire. |
|
| 18 |
|
| Mbwenu hamwe nawe twabatumaho omunyaruganda orikumanywa munonga ebigombe by'abaikiriza boona ahabw'okurangirira Amakuru Marungi. |
|
| 19 |
|
| Kandi t'ekyo kyonka, kureka atoorainwe ebigombe by'abaikiriza, kuguma naagyenda naitwe omu murimo ogu ogw'embabazi, ogu turikukora ahabw'okuhaisa Mukama ekitiinwa, n'okworeka omutima murungi ogu twine. |
|
| 20 |
|
| Nitwerinda ngu hatakaagira owaatuhaahuuza, naatutura oku turikukoresa ebyo biconco by'obufura. |
|
| 21 |
|
| Ahabw'okuba eki turikugyenderera n'okukora ebirikusiimwa, ti Mukama wenka, kureka ebirikusiimwa n'abantu. |
|
| 22 |
|
| Kandi hamwe nabo twabatumaho omunyaruganda ondi, ou tugyerize kaingi, tukashanga ari omweziriki omuri bingi, kandi hati oyongyeire kuba omweziriki okukira oku atuura, ahabw'okuba naabeesiga munonga. |
|
| 23 |
|
| Tito we, n'omukozi mugyenzi wangye, ou turikukora kumwe omurimo gw'okubaheereza; kandi abanyaruganda baitu abo, n'entumwa z'ebigombe by'abaikiriza, ezihaisa Kristo ekitiinwa. |
|
| 24 |
|
| N'ahabw'ekyo muboorekye ekirikuhamya rukundo yaanyu, n'ekirikutureetera kwesiima ahabwanyu, ebigombe by'abaikiriza bibone kukimanya. |
|
|
|
|