Min Pɔul nbɑ tie *Klistu *tuomi nɑ, nisɑɑli kɑɑ tun’n, nisɑɑlk kɑɑ biɑ tien’n Klistu tuomi, ŋɑɑn Bɑɑ Yennu nɑn Yiesu Klistu nbɑ k u din fiin’ɔ kuun ni nɑ e din lukt’n. Min Pɔul nɑn t nɑɑ wɑɑs nbɑ be nnɑ nɑ kul fuont Klistuweilɑ nbɑ be Gɑɑlɑɑti tinŋ ni.
N yiɑb mɑɑ n gɑɑl nisɑɑlk pɑku kuo Yennu yɑl e? N luon k mii tun lin nbɑ k niib luon ɑmi ii? L i tie k n luon k mii tuun lin nbɑ k niib luon nɑ, n ji kii tie Klistu tuontunnɔ.
I ponŋ gbɑt mɑɑ din tuun biɑnŋ nbɑ yuo nbɑ k n din wɑɑ *Suifnbɑ jɑɑnti nɑ. L yuo nɑ n din tuu muksl Yennu mɔtɑɑɔk niib bonciɑnn, k yɑbi n mɔnŋ mɑɑ n biil’b k gbenn.
Yuo nbɑ k u din dukn nɑn l ŋɑn, k u din nyinn u Bik mɑnŋ pɑɑnu ni k wɑnn’n ɑ n muɑnt u lɑbɑmɑnn k tul bin nbɑ k tie Suifnbɑ. L yuo mɑnŋ, n din k sɑɑn nisɑɑlk buol ni k sɑɑ fɑɑ suɑ bɑɑnn.
N biɑ din k sɑɑn Selusɑɑlenm k sɑɑ lɑ bin nbɑ din dɔnŋ tien tuomiinbɑ nɑn’n nɑ, ŋɑɑn n din fiil e l tɑɑkpɑɑk ni k sɑɑn Alɑɑbi tinŋ ni. L puolpo e k n ŋmɑt sɑɑn Dɑɑmɑɑs duo ni.
Bɑɑ din mi lin nbɑ din tie b lieb nbɑ din yien ɑ: «Juɑ nbɑ din tuu muks tinm nɑ, mun ji diɑ lɑbɑmɑnn nbɑ k u din yɑɑ wun biil nɑ e, k muɑntl tien niib.»