Yettoore laatano Alla, laatiiɗo *Baaba Yeesu *Almasiihu Joomiraawo meeɗen. Gam kawtal meeɗen e Almasiihu, o barkiɗinii en e hokkugo en barke ruuhunkeeje feere feereeje, ƴiwuɗe dow kammu.
Der kawtal men e *Almasiihu, Alla hokkii en geɗu ŋu o haɓɓannoo en alkawal mum, e suɓugo en diga law, hande no o resirno. O waɗii ɗum, gam non o suɓirno e sago makko,
Onon bo, no kawtuɗon e *Almasiihu, on nanii haala gooŋa, kanka woni *linjiila kaa ɗo hisinta on. No goonɗinɗon, Alla maanake on. Maane nen woni *Ruuhu Ceniiɗo mo o haɓɓuno alkawal mum o hokkan.
Mii eela Alla Joomiraawo meeɗen Yeesu *Almasiihu, *Baaba mo tedduŋal, hokka on *Ruuhu mum kokkoowo hakkillo. Ruuhu on hollita on Alla hande no o laati.
Hande non Almasiihu laatorii ɓuruɗo laamuuji e baawɗeeji e semmeeji e mawɓe fu. Kanko nun laatii hooreejo dow ko woodi inne fu, hinaa der duuniyaaru nuu ɗo tan, amma e der duuniyaaru nu yeeso bo.