|
| 1 |
|
| Kiristoosi Yesuusi usuranya ikkoommohu ani Phaawuloosi, ki'ne Dagate daafira Magano huucci'reemmo. |
|
| 2 |
|
| Ki'ne qiniitira yee Maganu anera soqqamate elto uyinoeta addinta macciishshitinoonni. |
|
| 3 |
|
| Balaxe haranse borreessoommonte gede, Maganu go'le noo coye xawise leellishinoe. |
|
| 4 |
|
| Borreesse soyemmo'neha nabbabbinanni woyite, Kiristoosiha go'le noo coye asse buuxoommo gara afa dandiitinanni. |
|
| 5 |
|
| Konne go'le noo coye Maganu Qullaawu Ayyaani widoonni qole qullaawa soqqamaasinesiranna himanaanosira xa xawise kulino garinni, sa'u yannara noo mannira hatto asse dikulino. |
|
| 6 |
|
| Hatto yaa, Danchu Duduwi widoonni Daga Ayihudete ledo Maganu maasso beeqqite mitto biso ikkitanno gede, Maganu Kiristoosi Yesuusinni uyino hexxo afidhannota xawise dikulinonsa yaate. |
|
| 7 |
|
| Maganu wolqasi loosi garinni uyinoetenni baxxitino eltonni Danchu Duduwira soqqamaancho ikkoommo. |
|
| 8 |
|
| Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie. |
|
| 9 |
|
| Qoleno albi yannara wo'manka kalaqino Magani maaxe worino coyi hiitto ikke leellannoro baalunkura xawise kuleemmo gede elto uyinoonnie. |
|
| 10 |
|
| Kuni ikkannohu, gordu gobba gashshaanonna roorrootu beetekiristaanete widoonni addi addi danita Maganu egenno affanno gedeeti. |
|
| 11 |
|
| Maganu konne Mootichinke Kiristoosi Yesuusi widoonni qole wonshinohu, hegere hedosi garinniiti. |
|
| 12 |
|
| Kiristoosire ikkinoommohuranna Kiristoosa amma'ninoommo daafira, Maganu albira be'e yinummokkinni jawaante shiqa dandiineemmo. |
|
| 13 |
|
| Ki'ne daafira yee qarrama'ya ki'nera ayirrinyeho. Kunnira, wolqa ba'inannikki gede seejjeemmo'ne. |
|
| 14 |
|
| Maganu Annu albaanni guluphe huucci'reemmohu kunniraati. |
|
| 15 |
|
| Gordohonna baattote aana hee'rannohu mittu mittunku mini manni halaalaancho su'ma afi'rannohu Maganuwiinniiti. |
|
| 16 |
|
| Maganu ayirrinyisi jironni Ayyaanisi wolqa widoonni qole giddoyidi mannimma'ne jawaachishanno gede huucci'reemmo. |
|
| 17 |
|
| Qoleno Kiristoosa amma'na'nenni wodani'ne giddo galanno gedenna, ki'neno baxillunni rumuxxitine kaajjitine heedhinanni gede Magano huucci'reemmo. |
|
| 18 |
|
| Kiristoosi baxilli mageeshshi geeshsha hala'ladonna hojjaameessa, seedanna diime ikkinoro qullaawu manni baalu ledo buuxxinanni gede, |
|
| 19 |
|
| konne gudinse afa dandiinannikkiha Kiristoosi baxille affinaranna gudisantine Maganu suudinni wo'mitinanni gede huucci'reemmo. |
|
| 20 |
|
| Kunnira ninke giddo loossanno wolqanni huucci'neemmohunninna hendeemmohunni aleenni quwa sayise assara dandaanno Maganira, |
|
| 21 |
|
| beetekiristaanetenna Kiristoosi Yesuusinni wo'mante yannara hegere ayirrinyi iillosi! Hamii'ni. |
|
|
|
|