Đó nǔ énɛ́ lɛ́ɛ bǐ wú ɔ́, nyɛ mɛ e ɖo ganxó ɖó un ɖo Aklúnɔ sɛn wɛ wútu ɔ́, un ɖo byɔ̌byɔ́ mi wɛ ɖɔ mi ní zán gbɛ mitɔn ní sɔgbe xá lě e Mawu jló gbɔn hwenu e é ylɔ́ mi é.
É bló mɔ̌, bó ná bló mɛɖeɖóvo Mawu tɔn lɛ́ɛ ɖó, bɔ yě ná sixú wa azɔ̌ e nyí klísusɛntɔ́ tɔn é; é ná bló bɔ agun e nyí agbaza Klísu tɔn ɔ́ ná yi nukɔn ɖo nǔɖiɖi mɛ,
Énɛ́ ɔ́, mǐ sɔ́ ná cí yɔkpɔ́vú lɛ́ɛ ɖɔhun, bɔ mɛblɛ́ɖutɔ́ lɛ́ɛ ná sɔ́ nǔkplɔ́nmɛ yětɔn lɛ́ɛ dó gba ayi dó nú mǐ, bɔ mǐ ná nɔ xo yi aɖisí, bó ná nɔ́ xo yi amyɔ, lě e aslɔkɛ́ kpó jɔhɔn kpó nɔ́ dó ya nú tɔjíhún gbɔn ɖo tɔjí é ɖɔhun ǎ. Đó mɛblɛ́ɖutɔ́ lɛ́ɛ ɔ́, nǔ e yě sɔ́ sísɛ́ yětɔn dó wa é wɛ yě nɔ́ zé dó dɔn mɛ dó nǔ nyanya mɛ.
Xó e ɖɔ nú mi wɛ un ɖe ɖo Aklúnɔ sín nyǐkɔ mɛ é ɖíe: mi ma sɔ́ nɔ zán gbɛ mitɔn nǔmaɖitɔ́ lɛ́ɛ ɖɔhun ó; yědɛɛ lɛ́ɛ ɔ́, linlin yětɔn ma ɖó ta ɖé lɛ́ɛ wɛ yě nɔ́ xwedó.
Hǔn mi ɖó ná ɖe mɛ e mi nyí ɖ'ayǐ xóxó ɔ́ nyi ayǐ. Mɛ e mi nyí ɖ'ayǐ xóxó ɔ́ wɛ nɔ sɔ́ lě e mi nɔ zán gbɛ mitɔn gbɔn ɖ'ayǐ ɔ́ dó ayi mɛ nú mi. É wɛ jlǒ tɔn e nɔ blɛ́ mɛ lɛ́ɛ nɔ hɛn bú.
Xó nyanya ɖěbǔ má nɔ tɔ́n sín nu mitɔn mɛ ó. Xó ɖagbe e ná dó alɔ mɛ nǔgbomɛ hwenu é, xó e ná wa ɖagbe nú mɛ e ɖo tó ɖó mi wɛ lɛ́ɛ kɛ́ɖɛ́ wɛ ná nɔ́ tɔ́n sín nu mitɔn mɛ.
Mi ma wa nǔ bónú wǔ kú Yɛsinsɛn Mawu tɔn ó; Yɛsinsɛn énɛ́ wɛ nyí wuntun Mawu tɔn e ɖo mi wú é. É wɛ nyí gǎnjɛwú mǐtɔn ɖɔ ayǐ ɖé ná wá hɔ́n, bɔ Mawu ná ɖe mǐ sín nǔ nyanya mɛ bǐ sésé.