|
| 1 |
|
| Mootichaho soqqama'yanni usuranya ikkoommohu ani Phaawuloosi, woshshama'nera labbino heeshsho heedhinanni gede jawaachisheemmo'ne. |
|
| 2 |
|
| Wo'manka woyite jooguulle, shaqqaddanna cincaaleeyye ikke; mimmito'ne baxillunni duqqe! |
|
| 3 |
|
| Maganu Ayyaani aanno keerinni mitteenni usurantine mittimma agadhate jawaatte. |
|
| 4 |
|
| Woshshantini yannara mitte hexxora woshshantinoonninte gede, mittu bisinna mittu Ayyaani no. |
|
| 5 |
|
| Hattonni mittu Mootichi, mitte amma'nanna mitte cuuama no. |
|
| 6 |
|
| Qoleno baalunkura aliidihu, baalunku giddo loosannohu, baalunku giddo hee'rannohu, baalunku Anni mittu Magani no. |
|
| 7 |
|
| Ikkollana Kiristoosi mitti mittinkera hedino garinni baxxitino elto uyinonke. |
|
| 8 |
|
| Kunnira qullaawa borro, «Gordo fuli woyite qafado haa'ri; mannahono elto uyi» yitanno. |
|
| 9 |
|
| Baattote woroonni dirrinoha ikka hoogiro, «Gordo fuli» yaa ma yaate? |
|
| 10 |
|
| Kuni baattote woroonni dirrihu, baalankare wonshara yee gordoho ka'aanni alira fulinohu isooti. |
|
| 11 |
|
| Isi mito mito soqqamaasine, woloota himanaano, mito mito Dancha Duduwo kultannore, woloota qole ammanaano allaaltannorenna gamisoota rosiisaano ikkitanno gede assino. |
|
| 12 |
|
| Hatto assinohuno, Maganu manna soqqanshote qixxeesseenna, bisosi ikkitinori dhaawantanno gedeeti. |
|
| 13 |
|
| Kuni ikkannohu, Maganu Beetto egennatenni, amma'natenni afi'nanni mittimmawa iilline, Kiristoosi guutanna wo'ma ikkinonte gede, ninke baalunku wo'ma manna ikkinammo geeshshaati. |
|
| 14 |
|
| Kunni ka'a mannu awaawurshinninna xagarrotenni, so'rote bubbenna dambalu ka'anna kawa shafanna gatantarranni qaaqquullu gedeere ikkinoonke. |
|
| 15 |
|
| Hatteentenni, halaale baxillunni amandanni umo ikkinoha Kiristoosa lawate baalunku coyinni lophino. |
|
| 16 |
|
| Manninatu sufatto baalatenni sufame xaadinohu isinniiti. Mittu mittunku bisi loososi loosanno woyite manninatu baalu lophanno; baxillunni dhaawamanno. |
|
| 17 |
|
| Kunnira, tidhitinokki hedori Maganiweello gosa heedhanno garinni heedhinannikki gede, seekke kuleemmo'ne; Mootichu su'minni seejjeemmo'ne. |
|
| 18 |
|
| Afa hoogansanninna mokkookkansanni kainohunni, wodaninsa tunsino; Maganuwiinnino baxxitino. |
|
| 19 |
|
| Saala hooggino daafira, addi addi batte assate umonsa sarmitannokki hamaandera sayisse uyitino. Yortonsarano gawalo dino. |
|
| 20 |
|
| Ki'ne kayinni Kiristoosire hakko garinni dirossinoonni. |
|
| 21 |
|
| Addinta Yesuusire macciishshitinoonni; isire ikka'nenni giddosi noo halaale rossinoonni. |
|
| 22 |
|
| Xagarrote yortonni doofaartinota albita akkala mannimma ki'newiinni fushshitine hooltinanni gede rosiinsoonni'ne. |
|
| 23 |
|
| Wodani'nenna hedo'ne haaroo'mito. |
|
| 24 |
|
| Magano lawate kalaqantinota, halaalaancho qullaawanna keeraanchimmannita haaro mannimma uddidhe. |
|
| 25 |
|
| Kunnira, kapho fushshitine tugge. Ninke mimmitinke ledo mitto biso ikkinoommo daafira, mimmitinkera halaale coyi'no. |
|
| 26 |
|
| Hanqitiniro, cubbo loossinoonte. Hanqitine heedhineenna arrishsho e'oonke. |
|
| 27 |
|
| Sheexaanehono faro uyitinoonte. |
|
| 28 |
|
| Moorannohu kunni ka'a mooroonke; hatteentenni hoogginorira aannore afi'rate, angasinni dancha looso loosanni daafuro. |
|
| 29 |
|
| Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe. |
|
| 30 |
|
| Wodamate barrira sumudantinoonniha Qullaawa Maganu Ayyaana dadillissinoonte. |
|
| 31 |
|
| Qaraaro, aara, hanqo, gibbo, hemenna bunshe baala ki'newiinni hunne. |
|
| 32 |
|
| Mimmiti'nera shaqqaddanna shooshaqoota ikke; Maganu Kiristoosinni cubbo'ne agurino'nente gede, ki'neno mimmiti'ne sao agurre. |
|
|
|
|