Seb kãnga togsda sagls niyns a Moyiiz sẽn sagl Israyɛl kamba fãa b sẽn waa n nan ka rʋʋg Zʋrdẽ kʋɩlgã, n be Suf pʋ-weesẽ, Parã we-raoogẽ. B ra bee tẽn-bãmba sʋka: Tofɛl, Labã, Aserot la Di-Zaab.
Le sɩng-y kẽn marsã; dʋ-y tãmsã, Amoritsa sẽn zao zĩig ningã, saag-y tẽns niyns sẽn yeg-b bãmbã. Tũ-y Zʋrdẽ foollã n digd Yamsem mogrã, n dʋʋd tãmsã, n sigd kunkubã, n yegd Negɛb la Tẽnsʋk Mogrã, n tees Kanaã la Libã, n tees Efrat kʋɩl-kãsengã.
Ade, m kõt-y-la tẽngã. Tɩ reeg-y tẽn-kãng n kẽ tɩ yaa tẽn- kãng la m sẽn wẽen tɩ m na kõ-la y ba-rãmbã, a Abraam, a Izaak, a Zakoob, la bãmb loogr poore, b yagensã.›
Dẽ me la m tũus y sagsẽ wã neb sẽn da zoe n ya kãsem-dãmba, neb sẽn ka mi pirpir ye, neb bãngr sẽn pidi, la m kõ-b-la naam: bãmb kẽer n lebg neb tusr nanamse, kẽer pis-nu nanamse, kẽer piig nanamse, n le paas-b sõangdb buud toor-toore.
Dẽ sẽn maane, ad-m sẽn yeel y bʋ-kaoodbã: ‹Yãmb n na n kelg y saam-biisa koeese la y welg ned kam fãa yell ne zemsgo, ned ne a saam-biiga, ned ne sãan sẽn vɩ ne-a.
Da bʋ-y m mi-a-zagl bʋʋd ye. Kelg-y nin-bõonesa wa nin-bɛda. Da zoe-y ned nif ye, tɩ Wẽnd la yãmb bʋ-kaooda. Yell sã n beẽ t'a welgr ya toogo bɩ y bas-a ne maam.›
Dẽ poore d paama Soaala noore la d yii Oreb n pãrg zĩ-peen-daag sẽn yalem la sẽn dɩt neba wala y sẽn tẽrã. D teesa Amoritsa tãnga. D sẽn ta Kadɛs-Barnea,
Ade, Wẽnnaam, y Soaala, rɩka tẽngã n kõ yã. Dʋ-y, soog-y tẽngã tɩ Wẽnnaam, y yaab rãmba Wẽnda, da kãab-a-la yãmba. Da maan-y dabeem ye! Da bas-y tɩ bũmb woog y raood ye!›
Wakat kãnga y kolg n yeel-m lame: ‹D tʋm neb tɩ b reng taoore n kaag weooga zãng n kõ-do la b lɛɛg n wa wilg-d sor ning d sẽn tog n dɩke, la tẽns niyns d sẽn na n tãage.›
La y kẽ-la y gãagẽ n yõk b wɩdga n yetẽ: ‹Yaa b sẽn dɩt beem ne tõnda yĩnga la Soaala-Wẽnd yiis tõnd Ezipt tẽnga! B rat n dɩka tõnd n kõ Amoritsã tɩ b kʋ-d zãngã.
Pʋs n yaa bõe yĩng la d na n kẽng be? D saam-biisa wooga d raoodo tɩ yaa woto la b gomyã: Tẽnga neb pãng la b sõor yɩɩda tõndo. B kẽeda tẽn-bɛda, tẽns sẽn me n gũbg ne lalse la sẽn zao yĩngri. B tol n yãenda Anakitsa be!›
Yaool n ya bãmb n da kẽnd y taoore, sora zugu, n na n bao y sik zĩiga, bãmb vẽenem n da kẽnd y taoor yʋngo n wilgd-y sore, bãmb sawadga maasmẽ la y ra kẽnd wĩntoogo.
Nin-yend bal n na n yãend-a, yaa a Yefune biig a Kalɛb. Yẽ na n yãend-a lame, yẽnda ne a kamba la m na n dɩk-a n kõ, tɩ yẽ tũ Wẽnd n pa tol n bʋdg ye.›
Dẽ poore Soaala goma ne yãmb gill woto: ‹Y sẽn da gomd tɩ b na n yõga y kambã n kẽes yembdã, kamb niyns sẽn nan ka mi b nensã, yaa bãmb n na n kẽ tẽngã ne a Zozuwe. Yaa bãmb la m na n dɩk tẽngã n kõ tɩ b soog-a.
Yaa woto la y leok maam: ‹Tõnd beega Soaala! D na n bobame n tak zabre, wala d Soaala sẽn kõ-d noorã.› La sɩda, y fãa bobame n tẽed tɩ y na n dʋʋ tãnga naana-naana.