Osolobuẹ nọ de ihiẹn ohu ahụn o de elu ibe-ọmụma ẹbụọ mbụ hụ ye elu ibe-ọmụma ẹbụọnị, Iwu iri hụ o ye ụnụ k'ọ gha imẹ ọkụn e ku oku, ụhụọhịn hụ ụnụ zu ukun Ugu ahụn. Osolobuẹ nọ we wẹ ye m.
Ogẹn ahụn kẹ Osolobuẹ gi họpụha ndị Livaị nị wẹ bumẹ Ẹkpẹti Nkwerigbama Osolobuẹ, nị w'e wuzo ihun Osolobuẹ a rụn ọrụn a, e gi ẹfan a a gọzi ịhịan, kẹ wẹ dọnkwọ nwan e mẹ tannị.
Nke m, akp'ọhịn ọgụnnaị kẹ m nọdị elu ugu ahụn, uhinhin lẹ efinnaị, kẹ m dọn nọ a mbụ. Osolobuẹ nọzịkwọ nụ arịrịọ m ogẹn ahụn k'o dọn nụ a mbụ; makẹni ẹlẹ uche ẹ n'o gbupụ ụnụ.
Euu ndị Izrẹlụ, kị Osolobuẹ wụ Chuku ụnụ chọ nwan ẹka ụnụ karị ịtụ-egun Osolobuẹ, isọn ụzọ a ile, inwọn ihiẹn-ọsụsụọ a, igi obi i ile lẹ umẹ-ndụn i ile e fe Osolobuẹ wụ Chuku i,
Makẹni, Osolobuẹ wụ Chuku ụnụ wụ Chuku ka mmọn-lẹ-iyi ile, Nna ndị nna; Chuku ahụn hi ogbe, hụn e mẹ ihiẹn a tụ egun; ara gbeyeni ịhịan, ara na egho azụụn.