Onai ra: amu mang’alaljini lagokwok che tom konai, che tom kogeer kotigonetab Jehovah Kamuktaindeng’wong’, etunatennyi, ak kamuktaennyi, ak eunnyi ne chuulat,
ak kit ne kiyachi lugetab Misri, ak mbartanyisiekwak, ak karisiekwak: ko u ye kiigochi komaluuch beekab Nyanjet ne Birir ye kiisubwok, ak kiiwong’ Jehovah ichek ko u noto agoi rani;
ak kit ne kiyachi Datan ak Abiram, werikab Eliab, weritab Reuben; ko u ye kiyat ng’ony kutinnyi, ak kolugui, koboto bikwak, ak emaisiekwak, ak tuguk tugul che soptos che kikwerioti ichek, eng’ kwenutab Israel tugul:
si kochang’a betusiekwok eng’ emonoto, ne kiiyosiechi Jehovah kwanisiekwok kole igochin ichek ak iyotenywa ne biitu let, emet ne nyiitat chego ak kumik.
Ogonore anyun ng’alechuchuk mugulelwekwok ak sobonwekwok; ak oratyi eunekwok koek kaborunet, ak koek ratutik che kirate anok eng’ turietab togochikwok.
si ko u ye ta komi kipsengwet ak ng’ony, tesoksei ko u noto betusiekwok, ak betusiekab lagokwok, eng’ emet ne kiiyosiechi Jehovah kwanisiekwok kole igochin.