×

Biblia Ande Chib Romani 2018

Deuteronomy 14

1
Tumen sen chaurre katar o Del tumaro Gazda. Na cheren tumenge rrane pe tumari esnaga, ta ni ka jaliaren tumen kana iek lleno ka merel.
2
Soke tumen sen iek foro santo e Devleke tumaro gazda, vou esvirisarda tumen maskar sa e forura kai si pe phuv te sai aven leko foro.
3
Te na jan niso kai si pokalime.
4
Gala si e zivirinie kai tumen sai jan: guruva, bakre busne,
5
Siervos, gaselas gamos, busnia e burdonenge ta suako vicha katar e antilope.
6
Sai ka jan katar suako zivirinia kai iril o jape te chambel le ta kai si leko porrno putardo,
7
a gala si e zivirinie kai nasti ka jan, i te avena kai irin o jape te chambel le o te avela leke porrne putarde: E deva, o sosoi ta o tejon, morabi te dikhen len zivirinie kai si pokalime, soke si katar e zivirinie kai jan o jape ta irinle te chamben le a inai lengo porrno putardo.
8
Nasti ka jan o balo, soke vou si leke porrno putardo, a ni iril o jape kai jal te chambel le. Morabi te dikhen le iek zivirinia pokalime. Ni ka jan o mas katar gala zivirinie ta ni ka dodin lenge esnage mule.
9
Katar e zivirinie kai si ando pai sai ka jan katar gola kai si len phakhorra ta eskame,
10
A na jan katar gola kai inai len phakhorra ta ni eskame, morabi te dikhen len zivirinie pokalime.
11
Suako chirikli chisti sai ka jan,
12
a si nesave kai lendar nasti jan: E agila, o kai phagel e kokala, e agila e moraki,
13
o milano, ta suako alkon,
14
ta katar sa e kuervura,
15
e avestrus e lechusa, e gaviota, ta katar sa e gavilane,
16
o puaucho, o ibis, o sisne,
17
o pelikano, o buitre, o kormoran,
18
e sigueña, e abubilla ta o mursielago.
19
Suako insekto kai si le pakha morabi te dikhel le pokalime. Nasti ka jan le.
20
A e chiriklia chiste sai ka jan len.
21
Na jan ni iek zivirinia kai muli voi pea, soke tumen sen iek foro santo e Devleke tumaro gazda, a sai ka de goia zivirinia e llene kai aven katar aver phuvia kai zivin ande tumare forura, von sai ka jan la. Ta i sai ka bichinen la kai e llene kai aven avere phuviatar kai nakhel maskar tumende. Na chiraven o busno ando thut pe dako.
22
Suako burs, morabi, tumen de thoven pe iek rig o diesmo katar suako septelie katar cho vostano kai ka chiden.
23
Ta katar o diesmo katar o lliu, e mol ta o zeitino ta katar e purve minone kai ka biandon katar che guruva ta bakre, ka jan tumen angla o Del tumaro Gazda, po than kai vou ezbirila de thovel po anav, ta gia te sai sikon te daran suako llive e Devletar.
24
A o Del te blagosila tut, a tumen morabi te traden baro drom te inllaren o diesmo soke zivin but dur katar o than kai esvirisarda o Del te thovel po anav,
25
ondaka tumen ka bichinen le ta ka guruven ande tumaro va e love ta ka aven po than kai o Del esvirisarda.
26
Gole lovenchar ka chinen kote so tumen dikhena kai trubul: guruva, bakre, mol sidra, so tumen mangena, ta ka jan le kote, angla o Del tumaro Gazda, ta ka cheren slava tumare familiaia.
27
Ta nikada te na muken e levitonen kai zivin ande tumare forura, soke von ni lie peke phuv sarsi tumen.
28
Suako trin burs tumen morabi te guruven o diesmo katar tumare septelie kai chidien ta ka guruven len ande tumare forura,
29
gia kana ka aven e levitura kai ni lie phuv te aven len, o e llene kai aven katar aver phuv kai zivin maskar tumende, o e llene kai inailen dei ni dad o e phivlia, te sai jan lligo ni ka achen chalie. Gia o Del tumaro Gazda ka blagosil tumen pe sa so cherena.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes