तू पचन्क फसह क त्यौहार क जनावर क बलि सिरिफ उ ठउरे पइ चढ़ावइ चाही जेका यहोवा तोहार परमेस्सर आपन बरे खास निवास क रुप मँ चुनइ। हुआँ तू पचे फसह क त्यौहार क जनावर क जब सूरज बूड़इ तब साँझ क बलि चढ़ावइ चाही। तू पचे एका बरिस क उहइ समइ मँ करब्या जउने समइ तू पचे मिस्र स बाहेर निकरा रह्या।
तू पचन्क बेखमीरी क रोटीं छ: दिना तलक खाइ चाही। सतएँ दिन तू पचन्क कउनो भी काम नाहीं करइ चाही। उ दिन यहोवा आपन परमेस्सर बरे खास सभा मँ भी सबहिं एकट्ठा होइहीं।
“यहोवा तोहार परमेस्सर जउन सहरन क तू पचन्क दइ देत अहइ ओनमाँ स हर एक सहर मँ तू पचन्क आपन परिवार समूह बरे निआव क निआवाधीस अउ अफसर बनवइ चाही। इ निआव क निआवाधीसन अउर अफसरन क जनता क संग सही अउ ठीक निआव करइ चाही।
तू पचन्क ठीक निआव क बदलइ नाहीं चाही। तू पचन्क पच्छपाती नाहीं हाइँ चाही। तू पचन्क कउनो क सम्बन्ध मँ आपन इरादा क बदल देइ बरे धन नाहीं लेइ चाही। धन बुद्धिमान मनइयन क आँधर करत ह। इ सच्चा मनई क सब्दन क बदल देतह।
तू पचन्क हर समइ बिना पच्छ लिए अउ निआवा स ठीक होइ क पूरी कोसिस करइ चाही। तब तू पचे जिअत रहब्या अउर तू पचे उ देस क पउब्या जेका यहोवा तोहार परमेस्सर तू पचन्क दइ देत अहइ अउर तू पचे ओहमाँ रहब्या।