|
| 1 |
|
| Siōng Chú — lín ê Siōng-tè siau-bia̍t hiah-ê kok, chiong in ê tōe siúⁿ-sù lín, hō͘ lín khiā-khí tī in ê siâⁿ kap in ê chhù í-āu, |
|
| 2 |
|
| lín tio̍h chiong Siōng Chú — lín ê Siōng-tè siúⁿ-sù lín chòe sán-gia̍p ê tōe, pun-chòe saⁿ khu, múi chi̍t khu siat chi̍t ê siâⁿ, koh khui-lō͘ thàng kàu hia, hō͘ thâi-sí-lâng--ê lóng thang cháu-khì hia. |
|
| 3 |
|
|
|
| 4 |
|
| Nā ū lâng bô-ì-tiong thâi-sí kap i kè-khì bô oan-siû ê lâng, i thang cháu-khì pī-lān-siâⁿ pó-choân sìⁿ-miā. |
|
| 5 |
|
| Phì-jū kóng, lâng kap i ê chhù-piⁿ khì chhiū-nâ chhò-chhâ; chhiú gia̍h pó͘-thâu chi̍t-ē chhò, pó͘-thâu-bah lut--khì, siong-tio̍h chhù-piⁿ, chhù-piⁿ soah sí--khì, chit-ê lâng tio̍h cháu-khì jīm-hô chi̍t chō pī-lān-siâⁿ, thang pó-choân sìⁿ-miā; |
|
| 6 |
|
| chiah bián in-ūi lō͘ chin hn̄g, pò oan-siû--ê sim-hé to̍h, jip-tio̍h hit-ê thâi-lâng ê lâng kā i thâi-sí; kî-si̍t i m̄ eng-kai sí, in-ūi i kap hit-ê siū gō͘-sat ê lâng bô oan-siû. |
|
| 7 |
|
| Só͘-í góa bēng-lēng lín, tio̍h siat-li̍p saⁿ chō pī-lān-siâⁿ. |
|
| 8 |
|
| Siōng Chú — lín ê Siōng-tè nā chiàu I tùi lín ê lia̍t-chó͘ só͘ li̍p-sè--ê, hō͘ lín ê thó͘-tōe khok-tián, chiong èng-ún beh siúⁿ-sù lín lia̍t-chó͘ ê choân-tōe hō͘ lín, |
|
| 9 |
|
| lín nā chun-hêng góa kin-á-ji̍t só͘ bēng-lēng lín it-chhè ê kài-bēng, thiàⁿ Siōng Chú — lín ê Siōng-tè, siông-siông kiâⁿ I ê tō-lō͘, chit saⁿ chō siâⁿ í-gōa, tio̍h koh siat-li̍p saⁿ chō siâⁿ; |
|
| 10 |
|
| chiah bián bû-ko͘ ê lâng ê huih lâu tī Siōng Chú — lín ê Siōng-tè siúⁿ-sù lín chòe sán-gia̍p ê tōe, tì-kàu lín tio̍h sêng-tam bû-ko͘ ê lâng siū thâi-sí ê chōe. |
|
| 11 |
|
| Nā ū lâng oàn-hūn chhù-piⁿ, bâi-ho̍k kong-kek i, kā i thâi-sí, āu-lâi cháu-khì pī-lān-siâⁿ; |
|
| 12 |
|
| hit-ê lâng pún-siâⁿ ê tiúⁿ-ló tio̍h phài lâng tùi hia kā i lia̍h--chhut-lâi, kau hō͘ pò oan-siû ê lâng, kā i chhú-sí. |
|
| 13 |
|
| Lín m̄-thang khó-lîn i; tio̍h tùi Í-sek-lia̍t tiong tû-khì sat-hāi bû-ko͘ ê lâng ê chōe, hō͘ lín sū-sū sūn-lī. |
|
| 14 |
|
| Tī Siōng Chú — lín ê Siōng-tè siúⁿ-sù lín chòe sán-gia̍p ê thó͘-tōe, lín m̄-thang î-sóa chhù-piⁿ ê kài-chí; hit-ê sī í-chêng ê lâng só͘ tēng--ê. |
|
| 15 |
|
| Nā ū lâng chòe sím-mi̍h m̄-tio̍h, hoān sím-mi̍h chōe, m̄-thang kan-ta thiaⁿ chi̍t ê lâng ê chèng-sû, tio̍h ū nn̄g ê á-sī saⁿ ê chèng-jîn, chiah thang kā i tēng-chōe. |
|
| 16 |
|
| Nā ū lâng ok-ì choh gūi-chèng, khòng-kò bó͘-lâng pōe-poān Siōng Chú, |
|
| 17 |
|
| chit nn̄g ê lâng tio̍h khì Siōng Chú só͘ kéng-soán kèng-pài I ê só͘-chāi, khiā tī ti̍t-pan ê chè-si kap sím-phòaⁿ-koaⁿ ê bīn-chêng; |
|
| 18 |
|
| sím-phòaⁿ-koaⁿ tio̍h siông-sè chhâ-mn̄g. Nā hoat-kiàn chèng-jîn choh gūi-chèng, beh hāi i ê tông-pau, |
|
| 19 |
|
| lín tio̍h chiàu i siūⁿ-beh tùi-hù i ê tông-pau án-ni kā i chhú-hoa̍t; án-ni lín chiū tùi lín tiong-kan tû-khì chit-khoán siâ-ok ê sū. |
|
| 20 |
|
| Kî-tha ê lâng thiaⁿ--tio̍h chiū ōe kiaⁿ, bô lâng káⁿ koh chòe chit-khoán khó-ò͘ⁿ ê sū. |
|
| 21 |
|
| Lín m̄-thang khó-lîn i; tio̍h ēng miā pê miā, ba̍k-chiu pê ba̍k-chiu, chhùi-khí pê chhùi-khí, chhiú pê chhiú, kha pê kha. |
|
|
|
|