D yeelame tɩ d kõn tũ Seyir, d saam-biis a Ezayu kamba sẽn kẽed tẽng ningã. D basa bãg-faaga sora rɩkre, d gila Elat la Esiõ-Gebɛr. D teema sore, d wẽnemdame n tees Moab zĩ-peen-daaga.
Yaa wa Oritsa sẽn da kẽed Seyir, la a Ezayu kamba ra waa n dig-b lame n yiisi, n sɛɛs-b zãnga, n deeg-b tẽngã, wala a Israyɛl me sẽn maan ne tẽng ning Wẽnd sẽn kõ-a t'a sooge.)
D sẽn da yi Kadɛs-Barnea n sɩng kẽna, yaa yʋʋm pis-tã la a nii la d maan yã n yaool n dʋʋg Zerɛd kʋɩl-bɛɛga. Dẽ tɩ sẽn da tõe n tak-b zabr wakat kãng fãa da loogame. Soaala-Wẽnd meng ra pʋs n kãab-b-la rẽnna.
F na n kẽe Amon toaagẽ. Da sɩng zabr ne a neba ye, da zẽk zab teoog b zug ye. F kõn paam bũmb Amonitsa tẽn-peelmẽ ye tɩ m dɩk-a lame n kõ a Lot t'a sooge.›
Soaala waa n yeelame: ‹Yik-y n dɩk sore, gãndg-y Arno kʋɩl-bɛɛga, yãmb nugẽ la m na n dɩk n sagl Amoritga Siyõ, Esbõ dĩma, yẽ ne a soolma zãnga. Tɩ sɩng-y zabr ne-a, tɩ reeg-y yã a soolma.
A Ezayu kamba sẽn kẽed Seyir, Moabitsa sẽn kẽed Ar, bãmb fãa kõ-d-la sor tɩ d looge. D datame n dʋʋg Zʋrdẽ kʋɩlgã n tãag tẽng ning d Wẽnda sẽn kõt-d tɩ d sooge.›
La Esbõ dĩm a Siyõ ka sak tɩ d loog ye, tɩ Soaala, y Wẽnnaama ra kidba a sũuri, sẽn na yɩlẽ n dɩk-a n sagl y nugẽ naana naana, tẽng ning y sẽn be a soab pʋgẽ rũnna.
Sẽn sɩng Arowɛr sẽn be Arno kʋɩl-bɛɛga noore, n ta tẽng ning sẽn be bogda pʋga, n ta Galaad, tẽng ka zĩnd t'a soogr yɩ toog ne-d ye. Wẽnnaam d Soaala dɩka fãa n bas d nugẽ.
Yaa Amon kamba tẽng bala la d ka pẽnege. D pa sɩɩs tẽns nins sẽn be Yabok yaanga ye, d pa pẽneg tẽns niyns sẽn be tãmsa zuta ye. Soaala-Wẽnd sẽn yet tɩ d da sɩɩs b rãmbã, d pa sɩɩs ye.