“Ho oni ka niguari ni ka ndu sa avuraroni, ki bi afarasi na angbagida vura, na aboro nge ki susi roni, oni anigunde nga be yo te; bambiko Yekova gaoni Mbori du na oni, nga gu ko naakusi roni ringara Ezipeta yo.
ki ya fu yo. ‘Ako aYisaraere, oni gí he, oni mbedi areme na vura kuti avuraroni; ka he máki nga roni kpotoroni yo ya; ka oni gúnde nga ya, ka oni kío nga a ya, ka gbudagbuda zí nga roni be yo a ya;
Abarumbatayo anigumba pai fu aboro, niya, ‘Gini boro du ho dua vovo bambu, ka ni akpara nga ha fu Yekova ya? Ni gá ku kpuni yo, ni ka kpi ti ngba vura, kura boro ki kpara ha fu Yekova.
Abarumbatayo anigumba kura pai fu aboro, i ki niya. ‘Gini boro du ho nagunde, he amaka ni kpotoni yo? Ni gá ku kpuni yo, ngbadu awirinani ka zera wa kina gani.’
Si adú were, ka i idi pa zereda fu roni nikaraga pai, ki za ngbadimo fu roni, agu aboro dunduko oni ka bi yo yo, oni asá yo ni gaoni azogo, i ki nimángi sunge fu roni.
ono ade, na agude, na zogozogo anya, na agu ahe dunduko du bakporo yo, na gu gbugbu he nga gaha, si oni ka nirogo ho ni gaoni zizi ahe. Oni ki niri gu zizi ahe nga ga avuraroni, nga gu Yekova gaoni Mbori afu he fu roni.
ka i yúgu nga pai fu roni oni mangi gayo kere gbegberẽ sino ya, nga gu mangi yo fu gayo ambori, ka oni amánga nga ingapai wo, kuti Yekova gaoni Mbori ya.
“Ho oni ka niru nguru ni pati bakporo tipa gbanga rago, niso vura kuti ni ka dia ha, ka oni nigbárasi nga agu angua du yo ni dewa ha na mangua ya; bambiko oni ari zuzuhe arí, oni anidewe nga ha ku sande te. Angua bire yo wa boro oni ka zia ha?
Ono kina agu angua ini oni he ya riahe nga ha te, oni ka nigbarasi he ki dewe he ku sande. Oni ki nidua nyanyaki ngapa vura na ni kuti gu bakporo naso vura kuti roni, daho si ka ti ni.