Yeityo koriikta yooto tisiik weeriigap Lawi. Amu chooto che ki lewen Kamuktaindet ne Toroor Kamuktaindeng'ung' koboisyechi ak koberuuris eng' kainetap Kamuktaindet ne Toroor ak tebyei ko uu ng'olyoonnywa kiit age tugul ne kagimoitos ak pireet age tugul.
Ee Kamuktaindet ne Toroor, nyochi kaat piiguk Israel che ki ityaach, amengotebee kwenutap piiguk Israel korotiik che ma tinyei tengek. Ak kobiit nyoetap kaat amu tengektap korotiik.”
ak kolakta ngoroik che ki kiluuldoi. Ye kagotebee koong'ung' anyun ak kagoriirchi kwandanyi ak kamennyi arawet agenge komugul, iwe ole mi iegu manong'otyondennyi ak koek ineendet osotyondeng'ung'.
“Ngo tinyei chii osotik aeng' ak kochamei age ko usei age ago ngo ki kosikyi lagok tuwai; chamaneet ak chepkinyaryat; ago ngo kisip kosich ne sasei weeriit,
ko eng' peetuut ne pchechin chiichooto weeriikyik tuguukyik, ko matkogachi koeet weeriitap chamaneet kosiir weerooto oo kisichei osotyot ne ma ki chamei.
Kanyool koyani kole weeriit ne oo weeriitap ne ma chamei ak kogochi ineendet kebeberwek aeng' eng' tugul che tinyei. Amu ineendet taunetap kimnateennyi chechiik tuguuk che nyoljin weeriit ne oo.
ko mat kotebee muusto keetit parak agoi koeech, ago kanyool itup eng' peetuunooto. Amu chuboot eng' Kamuktaindet ne Toroor ne kigartati. Si meng'wanit inyee emeng'ung' ne koonin Kamuktaindet ne Toroor Kamuktaindeng'ung' koek poroteet.”