Mozis tɛl di Izrɛlayt dɛn se we dɛn go dɔn tap na di land we PAPA GƆD we na dɛn PAPA GƆD go gi dɛn, ɛni dedebɔdi we dɛn fɛn na trit we nɔto insay ɛni siti, ɛn dɛn nɔ no udat kil am,
Bikɔs na di Livayt dɛn PAPA GƆD we na dɛn PAPA GƆD dɔn pik fɔ mek sakrifays fɔ pipul sin ɛn pre fɔ blɛsin, na dɛn fɔ tɔk di kes; wetin dɛn se, nɛf kɔt.
Bɔt if di man si se i nɔ want am fɔ wɛf igen afta dat, di man fɔ lɛf am lɛ i go usay i want fɔ go; i nɔ go rayt fɔ sɛt am ɔ trit am lɛkɛ slev afta i dɔn mek i shem.
Mozis tɛl di Izrɛlayt dɛn se, ɛnibɔdi we gɛt tu wɛf we na wan i lɛk pan dɛn tu, ɛn dɛn tu bɔn bɔypikin dɛn fɔ am, bɔt na di wan we i nɔ lɛk bɔn di fɔs-bɔy-pikin,
we i de sheb in prɔpati, i nɔ fɔ gi di uman we i lɛk in yon fɔs-bɔy-pikin, di fɔs-bɔy-pikin pawa, bikɔs na di uman we i nɔ lɛk in yon fɔs-bɔy-pikin na di big wan.
I fɔ trit di uman we i nɔ lɛk, in yon fɔs-bɔy-pikin as di big wan, so i fɔ sheb in prɔpati tri pat, ɛn gi am tu pat, bikɔs nain fɔs mek ɔlman no se in papa ebul bɔn bɔypikin. Nain gɛt di fɔs-bɔy-pikin pawa.
We dɛn kɛr am go de, dɛn fɔ tɛl di bigman dɛn na di famili dɛn se, da dɛn bɔypikin de nɔ de yɛri dɛn wɔd; i jɛs de du wetin i want. I de it ɛn drink drɔnk bɔku bɔku wan.
As dɛn tɔk dat so, ɔl di man dɛn we de na di siti fɔ ston am te i day. I se, dat go mek dɛn go de pul di bad tin dɛn kɔmɔt na Izrɛl, bikɔs, we pipul dɛn yɛri se dɛn kayn tin dɛn de apin, dɛn go de fred fɔ du bad.
in de dedebɔdi nɔ fɔ de na di tik te di nɛks de. I se dɛn fɔ bɛr am di sem de lɛ dɛn nɔ mek swɛ go na di land we PAPA GƆD we na dɛn PAPA GƆD gi dɛn, bikɔs PAPA GƆD put swɛ pan dayman we ɛŋ na tik.