nikech ne ok giromonu gi chiemo kata gi pi kane uwuok Misri, to bende nikech ne giluongo Balaam wuod Beor modak Pethor manie piny Mesopotamia mondo okuong’u.
Pesa ma dhako moro kata ma dichwo moro oyudo kuom chode kik kel e Od Ruoth Nyasaye ma Nyasachu mondo ochopgo kuong’ruok, nikech pesa moyud kamano okwedi e nyim Ruoth Nyasaye ma Nyasachu.
Inyalo kawo ohala kuom gima iholo japiny moro nono, to ok kuom ja-Israel wadu. Kuluwo chikno, to Ruoth Nyasaye ma Nyasachu noguedhu kuom gik moko duto mutimo e piny ma ubiro donjoe mondo udagie.
“Kikuong’ori kuom wach moro, to nyaka ichop kuong’ruokno piyopiyo, nikech ka ok itimo kamano, to Ruoth Nyasaye ma Nyasachu nobandhi wachno, kendo nibed jaketho.