Di yi niŋ ka naŋgbankpeeni lu niriba ayi sunsuuni ka bɛ tahi li ʒiishee, ka sariakaritiba ti ŋmaai bɛ yɛtɔɣa maa, ka wuhi ŋun mali yɛlimaŋli ni ŋun ka yɛlimaŋli,
di yi simdi ni bɛ bu ŋun mali taali maa, dindina sariakarita maa ŋun’ chɛ ka bɛ gbaag’ o sɔŋ n fiɛb’ o o ninni, ka o fiɛbbu kalinli yɛn dolila o taali ni nyɛ shɛm.
Doo min’ o mabia yi laɣim be, ka bɛ ni yino ti bi dɔɣi bidibiga ka kpi ka chɛ o paɣa, pakoli maa ŋun di yi bɛ daŋ maa ni chaŋ ti kuli ninvuɣ’ zino. O yidan’ mabia maa ŋun’ zaŋm’ o n-leeg’ o paɣa, ka tum di ni simdi ni o yidan’ mabia tum tuun’ shɛli ti o.
Amaa doo maa yi bi bɔri ni o kpuɣ’ o mabia pakoli maa, dindina o mabia maa pakoli maa ŋun’ cham’ dunɔdali shee kpamba sani nti yɛli ba, ‘N yidan’ mabia maa zaɣisiya ni o ku chɛ ka o mabia maa yuli na be Izraɛl tiŋgbɔŋ ni; ni o ku tum n yidan’ mabia tuma n sani.
dindina o mabia maa paɣa maa ŋun’ cham’ o sani kpamba maa ninni nti pirigi doo maa namdili o napɔŋ ni, ka tuhi nintɔri vie o ninni ka yɛli, ‘Lala ka bɛ niŋdi ninvuɣ’ so ŋun je ni o me o mabia yili.’
Kul zahimmiya binyɛra sania zuɣu ka di paara ni yɛlimaŋli, ka zaŋmiya kuruwa maŋli zahindi yi binyɛra ka di paana din ni chɛ ka yi yuui Yawɛ ŋun nyɛ yi Naawuni ŋɔ ni zaŋ tiŋgbɔn shɛli tiri ya maa ni.
Dinzuɣu Yawɛ ŋun nyɛ yi Naawuni ŋɔ yi tin ya vuhim yi dimnim’ bɛn gili ya ŋɔ sani tiŋgbɔn shɛli ŋun’ Yawɛ ŋun nyɛ yi Naawuni ŋɔ ni zaŋ tiri ya ni yi su li maa ni, yin’ kpihimmiya Amalɛknim’ maa birili dunia ŋɔ ni, Miriya ka yi ti tam.