|
| 1 |
|
| Mô͘-se kap Í-sek-lia̍t chèng tiúⁿ-ló bēng-lēng jîn-bîn, kóng: Lín tio̍h chun-siú góa kin-á-ji̍t só͘ hoan-hù lín it-chhè ê kài-bēng. |
|
| 2 |
|
| Lín kè Iok-tàn-hô, khì kàu Siōng Chú — lín ê Siōng-tè siúⁿ-sù lín ê tōe hit-ji̍t, tio̍h chhāi kúi tè tōa chio̍h, téng-bīn boah chio̍h-he, |
|
| 3 |
|
| chiong lu̍t-hoat só͘-ū ê ōe khek tī tōa chio̍h téng-bīn. Lín ji̍p-khì Siōng Chú — lín ê Siōng-tè siúⁿ-sù lín ê tōe, chiū-sī I tùi lín ê lia̍t-chó͘ só͘ èng-ún lâu lin kap bi̍t ê tōe, |
|
| 4 |
|
| kè Iok-tàn-hô hit-pêng hōaⁿ liáu-āu, tio̍h chiàu góa kin-á-ji̍t ê bēng-lēng, tī Í-pa-lō͘-soaⁿ chhāi hiah-ê chio̍h-thâu, téng-bīn boah chio̍h-he. |
|
| 5 |
|
| Tī hia, lín tio̍h ūi Siōng Chú — lín ê Siōng-tè ēng chio̍h-thâu khí chi̍t chō chè-tôaⁿ; hiah-ê chio̍h-thâu m̄-thang ēng thih ê kang-khū phah--kè. |
|
| 6 |
|
| Tio̍h ēng bô phah--kè ê chio̍h-thâu khí Siōng Chú — lín ê Siōng-tè ê tôaⁿ; tī hit téng-bīn hiàn sio-hòa-chè hō͘ I, |
|
| 7 |
|
| mā tī hia hiàn pêng-an-chè; koh tī Siōng Chú — lín ê Siōng-tè bīn-chêng hoaⁿ-hí lim-chia̍h. |
|
| 8 |
|
| Lín tio̍h chiong chit-ê lu̍t-hoat it-chhè ê ōe, chheng-chheng-chhó-chhó khek tī hiah-ê chio̍h-thâu. |
|
| 9 |
|
| Mô͘-se kap Lī-bī -lâng chòe chè-si--ê koh hoan-hù Í-sek-lia̍t chèng-lâng, kóng: Í-sek-lia̍t -lâng, tio̍h chēng-chēng, tio̍h chù-ì thiaⁿ! Kin-á-ji̍t lín chiâⁿ-chòe Siōng Chú — lín ê Siōng-tè ê chú-bîn, |
|
| 10 |
|
| tio̍h thiaⁿ-thàn Siōng Chú — lín ê Siōng-tè ê ōe, chun-hêng góa só͘ pan-pò͘ ê Siōng Chú ê kài-bēng kap kui-lē. |
|
| 11 |
|
| Hit-ji̍t, Mô͘-se koh hoan-hù jîn-bîn kóng: |
|
| 12 |
|
| Lín kè Iok-tàn-hô liáu-āu, Lī-bī -lâng chiok-hok jîn-bîn ê sî, Se-biān, Lī-bī, Iû-tāi, Í-sat-ka, Iok-sek, Piān-ngá-bín chiah-ê chi-cho̍k, tio̍h khiā tī Ki-lī-sim-soaⁿ; |
|
| 13 |
|
| soan-pò͘ chiù-chó͘ ê sî, Lū-piān, Ka-tek, A-siat, Se-pò͘-lûn, Tān, Ná-hut-tha-lī chiah-ê chi-cho̍k, tio̍h khiā tī Í-pa-lō͘-soaⁿ. |
|
| 14 |
|
| Jiân-āu, Lī-bī -lâng tio̍h tùi Í-sek-lia̍t chèng-lâng tōa-siaⁿ soan-pò͘: |
|
| 15 |
|
| Chè-chō Siōng Chú só͘ iàm-ò͘ⁿ ê sîn-siōng, bô-lūn sī tiau-khek--ê, á-sī chù-chō--ê, koh hō͘ lâng àm-tiong chè-pài, hit-ê sai-hū tio̍h siū chiù-chó͘. Chèng-lâng lóng tio̍h ìn kóng, “Amen!” |
|
| 16 |
|
| Tùi pē-bú put-hàu--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 17 |
|
| Î-sóa chhù-piⁿ ê kài-chí--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 18 |
|
| Hō͘ sit-bêng ê lâng kiâⁿ m̄-tio̍h lō͘--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 19 |
|
| Pak-toa̍t gōa-cho̍k-lâng kap ko͘-jî kóaⁿ-hū ê koân-lī--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 20 |
|
| Kap lāu-pē ê bó͘ chòe-hé khùn--ê, tio̍h siū chiù-chó͘, in-ūi i ū phah lâ-sâm i lāu-pē ê bîn-chhn̂g. Chèng-lâng lóng tio̍h kóng, “Amen!” |
|
| 21 |
|
| Kap tōng-bu̍t kau-ha̍p--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 22 |
|
| Kap kâng-pē ê chí-bē, á-sī kâng-bú ê chí-bē, chòe-hé khùn--ê, hit-ê lâng tio̍h siū chiù-chó͘. Chèng-lâng lóng tio̍h kóng, “Amen!” |
|
| 23 |
|
| Kap tiūⁿ-ḿ chòe-hé khùn--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 24 |
|
| Àm-sat chhù-piⁿ--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 25 |
|
| Chiap-siū hóe-lō͘ hāi-sí bû-ko͘ ê lâng--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
| 26 |
|
| Bô chhiat-si̍t chun-hêng chiah-ê lu̍t-hoat ê ōe--ê, tio̍h siū chiù-chó͘. Chèng-lâng lóng tio̍h kóng, “Amen!” |
|
|
|
|