A yeelame: Soaala yii Sinayi, wala wĩndga, b puka Seyir sẽnẽ, Parã tãnga zugu, b yãnga b vẽenem n tees b buudu b waa n siga b neba sʋka, sẽn yãagd-b yaa kõn-bãng-n-sõde; b Noora sebr la b ra zãada, sebra ra yãgda ne neerem.
Ad-a sẽn yeel a Levi yĩnga: Soaala, a Levi kamba zãada b nusẽ y sẽn dat tɩ b sok-y ne tentees ninsã n bãng y leokra yaa n-yẽ bɩ ayoo, la yaa bãmb la y sẽn fɛɛs Masa, bãmb yɛs la y sẽn fɛɛs Meriba.
n paam bõn-sõng fãa tẽnga sẽn womde, n paam tuuga sẽn wit bugma soab zoodo. Dẽ fãa yɩ a naam zug-peoogo, dẽ fãa yɩ a rĩir fan teedo, Soaala sẽn welg a soab toorã fan teedo.
A paam barka t'a yaa loalg sẽn tar pãnga a yɩɩla yaa we-naaf yɩɩla, bãmb la a tar n tãada, n tãad yaang la nin-taoore, goabg la rɩtg rãmba. Ad-a Efrayim tãb-biis sẽn tonge ad-a Manase rẽnd sẽn ka tõe n sõde.
Yẽ n yɩ pipi n deeg a pʋɩɩre, la yaa pʋɩɩr sẽn tog ne dĩma la a ra rata. A lʋɩ buuda taoore n zab wa Wẽnd sẽn sagl-a la Wẽnd pidsa b sẽn kaool fãa ne a Israyɛl.
Dẽ me la a Israyɛl zĩ t'a sũur pa kiuusdẽ ye. A Zakoob kʋɩlga naoor teesa toore, a teesa alkam la rã-paalg tẽnga, yĩngr meenema sẽn da zoe n bʋkd tẽng ningã.
Foo la zu-noog soaba, Israyɛl! Soaala sẽn sõngd b buudã, ãnda n wẽnd foo? Bãmb gãong n ligind f bɛɛba pɛɛm, bãmb sʋʋg n kõt foom f pãnga. F bɛɛba rat bɩ b wags taab ne sudum f naoor na tabg b tẽnsa sẽn zao yĩngrã.