Ika Bible 2018
|
| 1 |
| Ya Mozizi nọ gha alị aradan Mụabụ nyinrin Ugu-Nebo, shi Mkpọnụnụ Pisga, hụn rị nfetu Jẹriko. Osolobuẹ nọ gha ebahụn ghọsịchanrịn a alị ahụn, gha Gilẹdị d'e ru Danị; |
| 2 |
| alị Naf'tali ile, ẹgbẹrẹ Ifrem lẹ Manasẹ, alị Juda ile d'a pụkwọrị Ohimin Mẹditerenia hụn rị ẹbamịn ọdịdan ẹnyanwụn; |
| 3 |
| atụ Nẹgẹvụ lẹ ẹgbẹrẹ Ọdanmgbugbu rị ihun Jẹriko, obodo hụ nkụ jun, d'e rukwọrị Zụa. |
| 4 |
| Ya Osolobuẹ nọ sị a, “Ọnwan wụ alị ahụn m kun enwẹn m kwe Ebraham, Aziki lẹ Jekọpụ nkwa, ogẹn m gi sị, ‘M k'e ye ụmụ ị ya.’ A nịgụọ m'ị hụn a, kanị y'e fetukọ d'a banye ẹ.” |
| 5 |
| Ya Mozizi wụ odibo Osolobuẹ nọ nwụntọ alị Mụabụ ebẹhụ kẹ Osolobuẹ dọn ku. |
| 6 |
| O li ẹ tọ Mụabụ, imẹ ọdanmgbugbu rị nchetarị ihun Bẹt-Pioru, kanị onwọnkwọnị nwan onyẹ marịn ebe o liye ẹ d'e ru tannị. |
| 7 |
| Mozizi rị nwa ahụa ọgụn isin k'ọ nwụn, kanị ọ kayeni ẹnya, ndụn agụn'a. |
| 8 |
| Ndị Izrẹlụ nọ gi akp'ọhịn iri kwasị ọgụn kwan Mozizi imẹ aradan Mụabụ, kwan a ọrọgbọ wẹ gi a kwan ozun. |
| 9 |
| Mmọn amamihiẹn jun imẹ Joshụa nwa Nọnụ, makẹni Mozizi e bugụọ ẹka kwasị a. Ya ndị Izrẹlụ nọ gọnmẹ ẹ ntịn, e mẹ ihiẹn ndị ahụn Osolobuẹ gwa Mozizi. |
| 10 |
| O ke nwọnzi onyẹ-amụma nọ kẹ Mozizi imẹ Izrẹlụ, hụn ya lẹ Osolobuẹ e mẹ ihiẹn elee-m elee-i, |
| 11 |
| hụn rụn ihiẹn-nghọsị ndị hụ ile lẹ ọrụn-atụmẹnya ndị ahụn ile Osolobuẹ zi ẹ rụn imẹ alị Ijiptu, ihiẹn ndị ahụn ọ sị a mẹ Fẹro lẹ ịhaịmẹ ẹ lẹ alị a ile. |
| 12 |
| Makẹni onwọnni onyẹ ghọsịtu ikẹn ahụn hi-ogbe mọbụ rụn ọrụn atụmẹnya ndị ahụn ile a tụ egun Mozizi rụn idẹnya ndị Izrẹlụ ile. |
| Save Notes |
https://beblia.bible:81/BibleAudio/ika/deuteronomy/034.mp3
34
34