“Ndaa umrooje e farillaaji e kiitaaji fuu ɗum Jawmiraawo, Allah mooɗon umri yam ekkitingo on. Ɗowtane ɗum nder lesdi ndi on ɓadake nastugo ngam maron ɗum.
Nane ɗum, onon Isra'iila'en, kakkilane ɗum. Nden kam on keɓan hayru, on ɗuuɗan masin nder lesdi keewndi kosam e njumri, bana Jawmiraawo, Allah kaakiraaɓe mooɗon wi'i on.
Saa'i Jawmiraawo, Allah mooɗon nastinta on haa lesdi ndi o hunani kaakiraaɓe mon Ibrahiima e Isiyaaku e Yaakubu o hokkan on ɗum, on tawan ton berniiji mawɗi booɗɗi ɗi on nyiɓaay
Ngam Jawmiraawo, Allah mooɗon gonɗo caka mooɗon, o Allah mo yiɗaa on tokko ɗowanteeɗo feere sam. Kakkile ngam taa on tikkina mo, nden o nattina on fuu diga lesdi.
Jawmiraawo, Allah meeɗen umri en en ɗowtano farillaaji ɗi'i fuu, ngam en kula Jawmiraawo, Allah meeɗen. Nden kam o hokkan en hayru nyalɗe men fuu, o aynan ngeendam meeɗen, bana no ngonɗen hannde.