Modge, Israyɛl, n deeg noor ning m sẽn kõt-f rũnna wã la tũ neere n paam n vɩɩnd la f fɩɩg zembala, n tɩ soog tẽng ning Soaala-Wẽnd sẽn kãab f ba rãmba.
Modg n da yĩm Wẽnnaam, f Soaala, sẽn kɩt tɩ f tũ sor ninga al yʋʋm pis-naas rũnna, we-raoogẽ ka. Yaa naong sore. B fɛɛs-f-la woto n bãng bũmb ning sẽn be f sũurẽ, f sã n na n zãgsame bɩ f sã n na n deega b noya.
Soaala-Wẽnd kẽes-f-la naongo, n gãneg-f kom, n dɩlg-f ne man, rɩɩb foo ne f ba-rãmb sẽn da zɩ n dɩ ye. B tʋlgame tɩ f bãng tɩ ninsaal ka rɩlgd a meng vɩɩm ne bur bal ye, a rɩlgd-a la ne bũmb ning fãa sẽn yit Wẽnnaam noorẽ.
tẽng sẽn womd alkam pɛɛlga, alkam kɛgenga. Bugsuntung bee be n paas kankanga la tɩɩg sẽn womd a biis wa poaloanga. Seem gãe be. Tẽnga pida ne oliv kaam la sɩɩdo,
Yaa bãmb n kẽes-f we-rao-kãnga sẽn dɩt neba pʋgẽ, weoog sẽn pid ne wag-toose, ne namse, koom sẽn ka n kiisd ko-yũud weoogo. Fo yĩnga b kɩtame tɩ pĩig sẽn ya pĩig meng bul koom.
Tẽeg bal tɩ tũu ne Wẽnnaam, f Soaala, la f paam pãng n ta zĩ-noogẽ ka la rẽ yaa Soaala sẽn dat n le paas b zooda pãnga, zood ning b sẽn da yõg ne f yaab rãmba la sẽn ket n yɛs rũnna wã.