Ocikundi cosi nda ku kundika etaili ci tẽlisa lesunga, okuti o kala lomuenyo, kuenje wiñila loku kuata ofeka Yehova a likuminya oku yeca kolosekulu viove.
Ivaluka ndomo Yehova Suku yove a ku songuila vekalasoko anyamo aco akuĩ akuãla oku ku ketisa, kuenda oku ku nyika. Wa ci lingila okuti o kulĩha eci ca kala vutima wove, nda hẽ wa panga oku pokola kovihandeleko viaye nda ndati.
Wa ku ketisa, wa tava okuti o yeva onjala, wa ku tekula la mana, ocina cimue ove kua kulĩhĩle, ndaño olosekulu viove. Wa ci lingila oco ove o limbuke okuti hakomboloko lika omunu a muĩla omuenyo, puãi cosi ci tunda tunda vomẽla wa Yehova oco omunu a mola laco omuenyo.
leci okuti oviunda viove violongombe levi violomeme lolohombo via licita, lopalata yove lulu wove via linga via lua, okuti cosi cove ci vokayaiwa ño-o,
Yehova, Suku yove, wa ku songuila vekalasoko lina linene li lingisa usumba hailio li kuete olonyõha via tema lanyenya, hailio lia kamba ovava. Yehova, Suku yove, haeye wa ku papuila ovava vesenje;
loku ku tekula vekalasoko la mana, okulia kumue olosekulu viene ka via kulĩhĩle. Wa ci lingila oku ku ketisa, loku ku nyika, okuti kefulilo o ku sumũluĩsa, oco lunguka sanga o wivala.
Ivaluka puãi Yehova, Suku yove, momo eye o ku muĩsa ongusu yoku mõla ukuasi. O ci lingila oku lemũlũla ocisila caye a lisila lolosekulu viove, ndeci ci kasi etaili.
Kuenje etaili muẽle, hu sapuila locili cange cosi okuti, nda wivala Yehova, Suku yove, kuenje o tiamẽla kolosuku viñi oku vi vumba loku vi fendela, o nyõleha muẽle.