|
| 1 |
|
| «Israeelete manna, macciishshe! Gordo iillanno huxxi noonsare jajjabba katamma afidhinore, ki'nenni roore jawanna jawaata daga hooltine baattonsa amaddinara Yordaanoosi Waa tayissine fultinanni. |
|
| 2 |
|
| Hakkiicho heedhannori Enaaqootu jajjabbahonna hojjaameeyye mannaati. ‹Enaaqoota ittisara dandaannohu nooni?› yinanna macciishshitinoonni. |
|
| 3 |
|
| Ikkollana, uyino'ne hexxo garinni Magani'ne Kaaliiqi ittanno giira gede ikke balaxe alba'neenni fulannoha ikkinota xa affinanni. Insano hunanno; ille'nenni la'inanna qeelannonsa. Ki'neno insa rahotenni shorritine huntinanni. |
|
| 4 |
|
| «Magani'ne Kaaliiqi insa albi'nenni hoolihu gedensaanni, ‹Tenne baatto ragi'neemmo gede Kaaliiqi kawiichira abbinonkehu, keeraano ikkinoommo daafiraati› yitine wodani'nenni heddinoonte. Kunninni di"ikkino; tenne daga Kaaliiqi albi'nenni shorrannohu bunshensanni kainohunniiti. |
|
| 5 |
|
| Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati. |
|
| 6 |
|
| Kunnira, Magani'ne Kaaliiqi tenne dancha baatto ragidhinanni gede aanno'nehu keeraanchimma'nenni kainohunni ikkinokkita buuxxe. Ki'ne haxo mokkookkootaho. |
|
| 7 |
|
| «Magano'ne Kaaliiqa halallitte baattora hanqissinisita qaagge; horonta habbinoonte. Gibitsetenni fultini barrinni kayissine techo geeshsha Kaaliiqira maahoyye gibbinoonni gedeenni kawiichira iillitinoonni. |
|
| 8 |
|
| Siina Kaaliiqa hanqoho kakkayissinoonni; isino ki'ne hunara lowo geeshsha hanqino. |
|
| 9 |
|
| Kaaliiqi ki'ne ledo eino gondooro borreessinoonnita bonce seekkinoonni kinna haa'rammora ani ilaalu iimira fuloommo. Hakkiicho mittoreno itummokkinninna agummokkinni 40 hashshanna 40 barra keeshshoommo. |
|
| 10 |
|
| Kaaliiqi angasinni borreessinota 2 bocame kinna uyinoe. Xaadoho gamba yitini barra Kaaliiqi ilaalu aana, giirate giddo hee're ki'nera kulino'ne hajajo baalanti hattenne kinna aana borreessante no. |
|
| 11 |
|
| Shoyilluu hashshinna shoyilluu barri gedensaanni, Kaaliiqi lamenta bocame kinna gondoorunnita uyinoe. |
|
| 12 |
|
| Hakkunni gedensaanni Kaaliiqi, ‹Kai! Gibitsetenni fushshittohu mannikki battaawinona kawiinni rakke dirri. Hajajo'yawiinni rahe fafino; daashshine seekkinoonniha kaphu magano qixxeessi'rino› yiinoe. |
|
| 13 |
|
| «Qoleno Kaaliiqi, ‹Kuni manni haxo mokkookka ikkinota seekke afoommo. |
|
| 14 |
|
| Horonta qaanganninsakki gede baattote aaninni co'o asse huneemmona agurie. Ate kayinni insanni roore jawaatanna bati'ra gosa asseemmohe› yiinoe. |
|
| 15 |
|
| «Kunnira ilaalu buwanni hee'reennanni, lamenta gondoorunnita bocame kinna haa'ranni hee'renni ilaalu aaninni galagale dirroommo. |
|
| 16 |
|
| Halaalinta ki'ne Magani'ne Kaaliiqi aana sao assitinoonnita laoommo. Daashshine seekkinoonnita siitu misileno umi'nera qixxeessidhinoonni. Kaaliiqi hajajino'ne doogonni rakkine fultinoonni. |
|
| 17 |
|
| Kunnira, anga'ya noota lamenta bocame kinna tuge alba'neenni hiiqqaqqoommo. |
|
| 18 |
|
| «Hakkunni gedensaanni, Kaaliiqi albaanni cubbo loossine assitinoonni bunshenni hanqissinoonnisi daafira, ita aga agure shoyilloo hashshanna shoyilloo barra galagale Kaaliiqi albaanni gombisamoommo. |
|
| 19 |
|
| Aarisinni huna'nera kaino daafira, Kaaliiqi hanqi lowo geeshsha waajjishinoe. Ikkollana, isi galagale huuccatto'ya macciishshino. |
|
| 20 |
|
| Hatte yannara, Kaaliiqi Aaroonino shaara lowo geeshsha hanqino. Anino isi daafira yee Kaaliiqa huuccoommo. |
|
| 21 |
|
| Qoleno hakkonne cubbu looso'ne, seekkidhinoonnita siitu misile haa're giiroommo. Hakkunni gedensaanni, hiiqqaqqe bukonna buluulo asse ilaalu aaninni dirranno wayi giddo fincoommo. |
|
| 22 |
|
| «Xaano qoltine, Teberaami, Maasahinna Qibirooti-Hataawa yinanniwa Kaaliiqa hanqissinoonnisi. |
|
| 23 |
|
| «Kaaliiqi Qaadesi Bernenni fushshi'ne yannara, ‹Amme fulle! Oommo'ne baattono ragidhe› yiino'ne. Ki'ne kayinni, Magani'ne Kaaliiqira maahoyye gibbinoonni; iso diaddaxxitinoonni; hajajamano gibbinoonnisi. |
|
| 24 |
|
| Ani afummo'ne yanna baalantera, Kaaliiqira maahoyye gibbinoonninte gedeenni heedhinoonni. |
|
| 25 |
|
| «Kunninni kainohunni, Kaaliiqi hunanno'ne gede coyi'rinohura, hakkonne shoyilloo hashshanna shoyilloo barra Kaaliiqi albaanni diriire, |
|
| 26 |
|
| ‹Mooticha Kaaliiqa'ya, jawimmakkinni woxxoottohanna jawaata cigilekkinni Gibitsetenni fushshoottoha woxekki ikkinoha mannakki huntooti. |
|
| 27 |
|
| Soqqamaanokki Abirihaami, Yisihaaqinna Yaiqoobi qaagi. Kunni mannita wodaninsa haxawarrimma, bunshenna cubbo kiirtooti. |
|
| 28 |
|
| Hakkunni ka'a kayinni Gibitsootu, «Kaaliiqi aansara xaarino baatto iillishansara dandiinokkihuranna giwannonsa daafira halallitte gobbara shaara fushshinonsa» yitanno. |
|
| 29 |
|
| Insa kayinni wolqakkinninna jawaata angakkinni fushshootto mannaatinna doodhootto gosaati› » yee huucci'roommo. |
|
|
|
|