Min Pɔul nɑn Tiimuote, tinm nbɑ tie Yiesu *Klistu tuontunnɑ nɑ e diɑn kɑdɑɑɔk nɑ k tien bin nbɑ tie Yennu niib Yiesu Klistu ni k be Fiiliip nɑ, nɑn b jɑɑnti ni yudɑnm nɑn b * sonmtieb.
L pɑɑk, n k mɔk bilsuk nɑn Yennu nbɑ din piin tuonŋɑnn i ni nɑ, u sii diɑ’l nnɑ mɔkmɔk nɑn yuo nbɑ k u tɑn sɑɑ gbenn tuonŋɑnn mɑnŋ Yiesu Klistu jennu dɑɑl.
Mi i duki i po nnɑ, l ŋɑn, k mɑɑn n yɑn be i ni, yinm nbɑ k Yennu tin’i ninbɑɑɔk nɑn wɑɑ tin’n biɑnŋ nbɑ, mɑɑ dɑɑn yen n mɔnŋ k gbɑɑ lɑbɑmɑnn mɑnŋ pɑɑk, ɑ n senn’l nɑ wɑɑ, k tɑn bɑɑl yuo nbɑ k n ji be dɑnsɑlk ni nɑ.
N pɑl ni lonm nɑn n dindɑnn tie k n dɑɑ dint n mɔnŋ fei e, ŋɑɑn n sii mɔk pɑlcienn mɔtɑɑnɑ nɑn lɑɑ tuu tie bɑnnu nbɑ nɑ, k mi i lek i kpo ɑmi mɑɑ be, ŋɑɑn n binbenŋ kul sɑɑ dont Klistu sɑnn.
Ŋɑɑn lin nbɑ yɑɑ kul ni, ŋɑɑnt k i binbenŋ sɔnu ii tie nɑn Klistu lɑbɑmɑnn nbɑ luon lii tie bɑnnu nbɑ nɑ. K mi i lek i fit sɑɑn lɑ’i ɑmi mi i kii fit lɑ’i ni, ŋɑɑn n sɑɑ gbɑt ɑ i sie fɑnu nɑn dudukyent kuɑ, k tɑɑn mɔtɑɑɔk k yɑbi i mɔnŋ k yɑdɑ nbɑ nyi lɑbɑmɑnn nɑ ni n sɑɑn tuɑnn.
I dɑɑ tiin i dɑtɑi mɑn. Ŋɑnn e sii tie nyinn k tul’b nɑn b tɑn sɑɑ bɑɑ k l mun biɑ sii tie nyinn k tul’i nɑn i be fielu sɔnu ni, k ŋɑnn e nyi Yennu buol ni.