Leswi mi kumeke ku khongoteleka eka Kriste, leswi mi susumetiwaka hi rirhandzu ra yena ni ku hlanganisiwa hi Moya, naswona leswi mi twelanaka vusiwana ni ku kombana tintswalo,
Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.
Varhandziwa va mina, tanihi leswi mi ndzi yingiseke masiku hinkwawo, nisweswi, ku nga ri ntsena loko ndzi ri na n'wina kambe ngopfu-ngopfu loko ndzi nga ri na n'wina, tirhelani ku ponisiwa ka n'wina hi ku chava ni ku rhurhumela;
leswaku mi ta pfumala nandzu, mi va lava tengeke, mi va vana va Xikwembu lava nga riki na xisandzu exikarhi ka rixaka lero homboloka, leri tiarisaka; mi fanele ku vangama exikarhi ka rona kukota timboni, laha misaveni,
mi ri karhi mi namarhela Rito ra vutomi, kutani esikwini ra Kriste, ndzi ta kota ku tidzunisa loko ndzi kuma leswaku ku tikarhata ka mina entirhweni wa mina a ku vanga ka mahala.
Hambiloko ndzi fanela ku tlhandlekela vutomi bya mina ehenhla ka mhamba ya n'wina ya ku pfumela, leyi mi gandzelaka Xikwembu ha yona, ndzi tsakile ni ku tlangela swin'we na n'wina hinkwenu.
Ndzi ni ku tshemba eka Hosi Yesu leswaku ku nga ri khale ndzi ta rhuma Timotiya a ta le ka n'wina, leswaku na mina ndzi tiyisiwa hi ku kuma mahungu yo huma eka n'wina.
Kambe ku tshembeka ka Timotiya ma ku tiva, ni hilaha a nga tirhisana na mina hakona entirhweni wa Evhangeli, a fana ni n'wana la tirhaka swin'we ni tata wa yena.
Naswona ndzi anakanyile leswaku swa fanela ku mi tlherisela Epafrodito makwerhu, loyi a nga ndzi pfuna emintirhweni ni le ku lweni ka mina, loyi a mi n'wi rhumile ku ta ndzi pfuna eka leswi a ndzi pfumala swona.
Hakunene ú vabyile; a a ri kusuhi ni ku fa, kambe Xikwembu xi n'wi tsetselerile, naswona ku nga ri yena ntsena, na mina xi ndzi tsetselerile, leswaku ndzi nga twi ku vaviseka ehenhla ka ku vaviseka.
hikuva a a ri kusuhi ni ku fa, a fela ntirho wa Kriste, a ri karhi a pfumela ku nyiketa vutomi bya yena, leswaku a ta hetisa ntirho wa ku ndzi pfuna lowu a wu fanele ku tirhiwa hi n'wina.