|
| 1 |
|
| Maahoyyena xaate roduuwa'ya, Mootichunni hagiidhe. Albaanni borreessummo'ne coye lede borreessoommo'nero digiwoommo. Hakku coyi ki'ne so'rotenni agara'nera dandaanno. |
|
| 2 |
|
| Hakkonne biso murmurannoha busha woshshu gedee manna agadhe. |
|
| 3 |
|
| Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti. |
|
| 4 |
|
| Adawadha hasiisiro, anera adawadheemmori lowo coyi nooe. Illete leellannorinni adawadhannohu hee'riro, anera kayinni hakkiinni roorino coyi nooe. |
|
| 5 |
|
| Ani ilamummohunni settikki barra barcimoommo; ilama'ya Israeelete giddo Biiniyaami ga'reeti; karsu nookki Ibiraawichaati; Ayihudete Seera agadhateno ikkiro, fullaha Farisichaati. |
|
| 6 |
|
| Maganu laalara yee Kiristoosa ammantinore shorreemmoho. Seera agadhateno ikkiro, minshanniri nookkiha ikke hee'roommo. |
|
| 7 |
|
| Ikkirono, kaa'lannoe yee hedoommore baala, Kiristoosi daafira gawajjannori gede asse aguroommo. |
|
| 8 |
|
| Mooticha Yesuusa Kiristoosa egennatenni roorinori mitturino nookkita afe, baalankare mullare asse aguroommo. Isi daafira yee wole baalanka coye hune aguroommo; Kiristoosiha ikkammora yee wo'mankare ishinu gede asse aguroommo. |
|
| 9 |
|
| Hatto assoommohu, Seeru aana xintantinota umi'ya keeraanchimma agure, amma'nate aana xintantinota Maganu keeraanchimma Kiristoosi widoonni afi're isi ledo hee'rateeti. |
|
| 10 |
|
| Qoleno, Kiristoosinna isita reyotenni ka"asi wolqa afammora, reyotennino iso lawatenna qarrasi beeqqate yeeti. |
|
| 11 |
|
| Reyote gedensaannino kae, hegere geeshsha hee'reemmota hexxeeti. |
|
| 12 |
|
| Hedoommowa di"iilloommo; woy konne baala guutoommo yee diafeemmo. Ikkollana, Yesuusi Kiristoosi ane isiha assi'rinoe daafira, anino qixxeessinoere adhammora dodanni noommo. |
|
| 13 |
|
| Roduuwa'ya, ani xaano hakka di"iilloommo; ikkollana mitto coye asseemmo; badhe'yaanni nooha hawanni, alba'yaanni nooha amadammora hiixateemmo. |
|
| 14 |
|
| Aannoe ba'raa'ra adhate marre gawa'linanniwa hige dodeemmo. Kuni ba'raa'rino Maganu Yesuusi Kiristoosi widoonni qole gordo woshshe aannoe heeshshooti. |
|
| 15 |
|
| Ayyaanaame heeshshonni jawaantoommo baali togoo hedo heda hasiissannonke. Wole xaaddinokki hedo heedhu'nerono, Maganu hattenneno xawisanno'ne. |
|
| 16 |
|
| Ikki garano ikkiro, kulloonninke garinni hee'noommowiinni alba hinge qaanfo. |
|
| 17 |
|
| Roduuwa'ya, ane labbinannire ikke! Ki'nera leellinshummoha dancha lawishsha adhitinore wolootano seekkitine la'e. |
|
| 18 |
|
| Kunni albaanni batinye hige kulummo'nente gede, xaano wi'lanni kuleemmo'neri, lowo manni Kiristoosi masiqalira diina ikke hee'ranno. |
|
| 19 |
|
| Godowinsa maganonsaati; shollinyinsa ayirrinyensaati; hedonsa tenne uullate. Kunnira, goofimarchinsa baote. |
|
| 20 |
|
| Ninkera kayinni gobbanke gordoho. Hakkiinni daannoha Gatisaanchonke Mootichanke Yesuusa Kiristoosa quqquxammanni agadhineemmo. |
|
| 21 |
|
| Isi tenne reyitanno mannimmanke soorre, isita ayirrado mannimma labbanno gede assanno. Hatto assannohuno, wo'manka roorresinni gashshate noosi wolqanniiti. |
|
|
|
|