|
| 1 |
|
| Kunni garinni, baxeemmo'nerinna sinsinnaaweemmo'neri, hagiirsiissinannierinna ku'leemmo'neri roduuwi'ya, Mootichunni jawaattine heedhe. |
|
| 2 |
|
| Ki'ne lamenti Ewoodiyanna Siinxiki Mootichunni roduuwa ikkitine, sumuu yitine heedhinanni gede huucci'reemmo'ne. |
|
| 3 |
|
| Hakkiicho noottohu ati ammanamoottohu soqqanshote miila'ya: Anenna Qelentoosi, qoleno su'mansa heeshshote taje giddo borreessinoonniri wolootu soqqanshote miilla'ya ledo mitteenni Dancha Duduwo iillishate lowo geeshsha sharramino daafira, hakkore lamenka meento kaa'linsa. |
|
| 4 |
|
| Wo'manka woyite Mootichunni hagiidhe. Lede yeemmona, hagiidhe! |
|
| 5 |
|
| Danchumma'ne manna baalaho leelto! Mootichu gambise no. |
|
| 6 |
|
| Baalunku coyira galaxxitinanninna huuccidhinanni hasidhinoonni coye Maganoho ku'le ikkinnina, mittu coyirano yaaddinoonte. |
|
| 7 |
|
| Mannu hedora aleenni ikkinohu Maganu keeri, Kiristoosi Yesuusinni wodana'nenna hedo'ne agaranno. |
|
| 8 |
|
| Roduuwa'ya, hakkiinni sairo, halaale ikkinoha, ayirrado, taalo, minshanniri nookkiha, baxille, dancha su'ma, seyinohanna naandanni coye baala wodani'nera wodhe! |
|
| 9 |
|
| Ani rosiisanna macciishshitinoonnihanna adhitinoonniha, ani loosanna la'inoonniha baalano asse. Hatto assitiniro, keeru Magani ledo'ne hee'ranno. |
|
| 10 |
|
| Lowo yanna gedensaanni, xaano ane daafira heda hanaffinoonnihura Mootichunni lowo geeshsha hagiidheemmo. Injaalla hoogino'nena, ane daafira heda diagurtinoonni. |
|
| 11 |
|
| Hatto yeemmohuno, qarru amadinoe daafira di"ikkino. Ani, «Nooehu ikkinoe» yaa rosoommo. |
|
| 12 |
|
| Afi'rano hoongeno egennoommo. Hiikkiichono ikko, hiikka woyiteno hudenna duuwo, afi'ranna hoonge rosoommo. |
|
| 13 |
|
| Wolqa aannoehunni Kiristoosinni baalankare assa dandeemmo. |
|
| 14 |
|
| Ikkirono, ki'ne qarri'ya beeqqaasine ikka'ne danchate. |
|
| 15 |
|
| Umo asse Dancha Duduwo kulammora Meqedooniyunni fulummo yannara, ki'ne Filiphisiyusi ammanaasine agurranna, aatenna adhate ane ledo kaa'lantinori wole ammanaasine nookkita ki'nenni affinoonni. |
|
| 16 |
|
| Teselonqe hee'reenna qarru amadinoeta affine, mitte lame higgine kaa'litinoonnie. |
|
| 17 |
|
| Hatto yeemmo'ne woyiteno, ki'newiinni mitore yore ikkikkinni, uyitinoonnie afanshi daafira maasso lexxitanno'ne gede halcheeti. |
|
| 18 |
|
| Hasiisannoehanna hakkiinnino saino afansha Ephafiroditusi widoonni qoltine sokkineennae adhoommo. Kuni afanshi'ne su'niitanno kakkalo gede Maganu hagiidhannohonna adhannoho. |
|
| 19 |
|
| Magani'yano gawalo nookki jironni Kiristoosi Yesuusi widoonni qole hasiisanno'nere baala wonshanno'ne. |
|
| 20 |
|
| Maganu Anninkera hegerenni hegere geeshsha ayirrinyu ikkosi. Hamii'ni! |
|
| 21 |
|
| Kiristoosi Yesuusinni qullaawoota ikkitinorira baalaho keere'ya kullensa! Ane ledo noo roduuwino, keere dhaantino'ne. |
|
| 22 |
|
| Qullaawoota ikkitinori baalu, wolootunkunni moote Qeesaari mine soqqantannori, keere dhaantino'ne. |
|
| 23 |
|
| Mootichu Yesuusi Kiristoosi elto ki'ne wo'munku ledo heedho. |
|
|
|
|