×

Bukuit Ne Tilil 2020

1 TESALONIKEK 1

1
Paulo, ak Silbano, ak Timoteo, kisirjini kanisetab Tesalonikek eng’ Jehovah Kwanda ak Kiptaiyat Jesu Kristo: Ingoteb kobotok mieindo ak kalyet.
2
Kimwachini Jehovah kongoi kotugul agobo okwek tugul, kemwaok eng’ sautikyok;
3
kibwati ne magisise, boisieng’wong’ ne bo kayanet ak boisiet ne uui ne bo chamnyet ak muitaetab kamang’unet eng’ Kiptaiyandennyo Jesu Kristo, eng’ taitab Jehovah nenyo ak ko Kwanda;
4
kingen leweneng’wong’, che kitupche, che chamanik eng’ Jehovah,
5
kele kima bwanjok logoiywekyok che miach eng’ ng’olyot kityo, ago eng’ kimnatet agine, ak eng’ Tamirmiriet ne Tilil ak eng’ naet ne ongen inne; ko u ye ongen ole kigi bik che u nee eng’ taing’wong’ agobo okwek.
6
Ak kioegu kasubikyok, ak che bo Kiptaiyat, ko kaotaach ng’olyot eng’ usisiet ne o, koboto boiboiyet ne bo Tamirmiriet ne Tilil;
7
kot oegu kaborunoik eng’ tugul che iyani eng’ Makedonia ak eng’ Akaya.
8
Amu kigogasak ng’olyotab Kiptaiyat kobun olong’wong’, ma eng’ Makedonia ak Akaya kityo, ago kigoyom komosta age tugul kayaneng’wong’ ne otinye eng’ Jehovah; kot ko ma kemage kiy ko ta kemwa kiy age tugul.
9
Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,
10
ak ogeni Werinnyi ne bunu kipsengwet, ne kiing’eet komong’ eng’ che kibek, inendet Jesu, ne soruech eng’ nereknatet ne nyonei.
Kalenjin Bible 2020
God's word open for all Bible Society of Kenya, 2020
:
Save Notes