Pala o kjinuimos ai o lažiav kai liam ande o Filipi, sar tume žianen, ame liam zor ande amaro Del, te phenas tumenge e Laši Viasta ande o Del, maškar le but marimata.
numa, sar ke o Del gindil ke ame sam harniči kai dias ame e Laši Viasta, kadia ame das duma, na t'avas drago le manušenge, numa t'avas drago le Devleske, kai zumavel le ile.
ame šai sikadiamas ame barimasa sar le apostoli katar o Kristo, numa ame samas pherde dragostia maškar tumende. Sar ke jekh kai lel sama katar le glati katar peske šiave,
Sa anda kudia ame naisaras sakda le Devles sar tume lian e vorba katar o Del, kai ame kerdiam te tume ašunen, tume lian la, na sar e vorba le manušeski, numa, kadia sar voi si vorta, sar e vorba le Devleski, kai kerel ande tumende kai patian.
Ke tume, phralale, tume areslian te keren sar le Khangeria le Devleske kai si ande o Jesus Kristo ande e Judea, ke vi tume, tume sanas marde katar tumaro narodo sar von sas marde katar le Židovuri.
či muken amen te das duma ka kudala kai či patian t'aven skipime kadia ke von či muken pe te butiaren penge bezexa. Numa e xoli gribisaili t'astarel len.
Amenge, phralale, pala ke ame samas tsiřa hulade tumendar, katar o stato numa na katar o ilo, kadia amen sas ame o gindo sar mai but t'avas te dikhas tumen.