Bi kurtî, ya birano, ka hûn ê çawa bijîn û ka hûn ê çawa Xwedê dilxweş bikin, hûn ji me hîn bûn; çawa ku hûn ûsa dijîn; bona ku hûn di vê babetê de hîn jî pêş ve herin, em bi navê Xudan Îsa rica ji we dikin û we teşwîq dikin.
Lê belê di babeta hezkirina biratiyê de, hewcedariya we nîne ku, kes ji we re binivîsîne; ji ber ku bona hezkirina ji hev û din, hûn bi xwe ji aliyê Xwedê ve hatine hîn kirin;
Ya birano, bona ku hûn mîna mirovên dinî di nava bêhêvîbûnê de dijîn bi keser nebin, em naxwazin ku hûn di derheqê kesên çavên xwe li jiyanê girtîne de bêzanîn bimînin.
Ji ber ku li gor gotina Xudan em vêya têdigihînin we: Em, yên zindî, yên heta hatina Xudan dê zindî bimînin, tu carî nakevin berya kesên ku çavên xwe ji jiyanê re girtine.
Paşî wê em, yên ku dijîn û (li jiyanê) hatine hiştin, bi wan re, bona pêrgîniya Xudan di nava ewran de dê me rahêlin bibin û bi vî awayî, em ê her tim bi Xudan re bin.