ayaw dayon kamo kataranta ug kabalaka kon makadungog kamo nga ang Adlaw sa Ginoo miabot na. Ayaw kinig tuohi bisag gipasikad pa kini sa propesiya o sa wali o sa sulat nga kuno gikan kanamo.
Ayaw kamo palimbong ni bisan kinsa sa bisan unsang paagi. Kay ang maong Adlaw dili moabot samtang dili pa mahitabo ang kataposang pag-alsa batok sa Dios ug dili pa motungha ang Tawong Yawan-on nga gitagana alang sa kalaglagan.
Supakon niya ang tanan nga gipakadios ug gipakabalaan sa tawo. Himoon niyang labaw ang iyang kaugalingon kay kanilang tanan. Gani mosulod ug molingkod siya sa Templo sa Dios ug angkonon niya nga siya Dios.
Gamiton niya ang tanang paagi aron malimbongan ang mga laglagonon. Pagalaglagon sila kay wala man nila dawata ug higugmaa ang kamatuoran. Kon gibuhat pa nila kini, maluwas unta sila.
Mga igsoon, angay kaming magpasalamat kanunay ngadto sa Dios tungod kaninyo nga gihigugma sa Ginoo. Kay gipili kamo sa Dios sukad pa sa sinugdan aron maluwas pinaagi sa gahom sa Espiritu ug pinaagi usab sa inyong pagtuo sa kamatuoran aron mahimo kamong balaang katawhan sa Dios.
Mao kini ang tuyo sa Dios sa iyang pagpili kaninyo pinaagi sa Maayong Balita nga among giwali kaninyo aron makaambit kamo sa himaya sa atong Ginoong Jesu-Cristo.
Hinaot unta nga ang atong Ginoong Jesu-Cristo ug ang Dios nga atong Amahan nga nahigugma kanato ug naghatag kanatog walay kataposan nga kadasig ug maayong paglaom pinaagi sa iyang grasya,