क्जोकि तुहां जाणदे हन, कि तुहां जो ठीक तिसा रीतिया नैं ज़िन्दगी जीणा चाइदी, जिंआं अहां जीआ थे। क्जोकि जाह़लू अहां तुहां सौगी रैंह्दे थे, ताह़लू अहां आलसी नीं थे अपर कम्म करदे थे,
अहां कड़ी मेहनत कित्ती, इसतांई नीं कि अहां अल्ल कोई हक्क नीं था, कि अहां तुहां ते अपणिया जरूरता तांई मंगन। अपर इसतांई कि अपणे आप्पे जो तुहां तांई इक्क उदारण पेस करन कि तुहां अहां साइआं ज़िन्दगी जीआ।
अहां सुणदे हन कि कुच्छ लोक तुहां बिच्च आलसी हन, कने कुच्छ कम्म नीं करदे अपर दूयेयां दे कम्मां च दखल अंदाजी करदे हन कने तिन्हां जो कम्म करणे ते रोकदे हन।
मैं पौलुस, अपणे हत्थे नैं इसा चिठ्ठिया च तुहां जो नमस्कार लिखदा ऐ। मेरियां सारियां चिठ्ठियां आखरी च मेरा लिखणे दा ऐई तरीका ऐ। तांजे हर कोई एह़ जाणी लैं कि एह़ चिठ्ठी मेरिया तरफा ते ऐ।