Min e dɑ kɑdɑɑɔk nɑ k tien fin Tiimuote, wun nbɑ tie n bimɔnŋ, yɑdɑ tienu ni nɑ. Yennu wun nbɑ tie Bɑɑ nɑn t Yonmdɑɑnɔ Yiesu Klistu ii mɔk ninkpɑbɑɔnŋ nɑn nyikcɑbu nɑn’ɑ, k biɑ tul’ɑ mɑnu.
k dɑɑ fiin b yejɑnm ni bɑlkpelɑ nbɑ tie fɑɑk nɑ po nɑn b yejɑnm sɑnɑ kɑnu po. Ŋɑnn e bɑɑt nɑn mɔniɑɔk k k sonmt nilɔ k u bɑnt Yennu nbɑ lol, ɑ niib n lɑ fielu bɑnnu nbɑ nɑ. Yɑdɑ pɑɑk e te k b bɑnn’l.
I tiɑn nɑn senni k sie bin nbɑ tie niŋɑnm Yennu buol ni nɑ pɑɑk kɑɑ, ŋɑɑn l sie bin nbɑ tie mɔyetdɑnm nɑ pɑɑk e, nɑn bin nbɑ k tiin Yennu, nɑn biitdɑnm pɑɑk, nɑn jɑknt dɑnm, nɑn bin nbɑ k tien Yennu nibɑɑkl pɑɑk, nɑn bin nbɑ kpi b bɑɑnbɑ nɑn b nɑɑnbɑ, nɑn nikpiilɑ,
nɑn boncunconɑ pɑɑk, nɑn bin nbɑ mɔk niɑɔnŋ k duɑ nɑn b jɑlieb, nɑn bin nbɑ tie dɑɑbɑ kpinkpounŋ, nɑn bin nbɑ tie fɑɑk dɑnm, nɑn bin nbɑ tuu senn mɔsonɑ ŋɑɑn tɑn kɑn gbien nɑ, nɑn lin nbɑ kul k wɑɑ bɑlmɔni wɑnnu pɑɑk.
Bɑlmɔni wɑnnu mɑnŋ nyii Klistu lɑbɑmɑnn nbɑ k Yennu din tul’n ɑ n muɑnt nɑ ni e, lɑbɑmɑnn mɑnŋ piɑk Yennu nbɑ ŋɑn nɑn dontl kul, k tie wun nbɑ tul’t bonŋɑnɑ kul nɑ po.
Gotl mɑn, lɑbɑɑl nbɑ tie bɑlmɔni k ŋɑn nɑn niib kul n gɑɑl’l e nɑ: Yiesu Klistu din bɑɑl tingbounŋ nɑ ni, ɑ wun tɑn fiel biitdɑnm e, k min e bi k gɑl b kul ɑ.
Ŋɑɑn lin nbɑ nɑ pɑɑk k Yennu din tin’n ninbɑɑɔk, ɑ min nbɑ tie biitdɑnm yudɑɑnɔ nɑ ni, Yiesu Klistu n fit wɑnn u suklu nbɑ kɑɑ pɑɑk k tul bin nbɑ sii tie’u yɑdɑ bii mɔk mɑnfuol nbɑ kɑɑ gbennu.
Tɔn, k mɔtɑɑnɑ Kpɑnbɑl nbɑ kɑɑ gbennu, k kɑn mi kpo, k suɑ k lɑɑt’ɔ, k u kuukuɑ tie Yennu, ŋuɑ e ŋɑn nɑn sɑnn nɑn dontl nɑn yuo nbɑ kɑɑ gbennu. * Amenn.
N bik Tiimuote, n jikt kpɑɑni mɑnŋ k tie ɑ nuu ni, k l tɑɑ nɑn sɔkniinbɑ nbɑ din pɑk ɑ po siɑn yuo nbɑ gɑl nɑ. Jiin mɑɑn mɑnŋ k tien’l ɑ jɑtiɑt k kɔn kunkɔnŋɑnn,